Qaırat Reıimovtiń atyna qozǵalǵan qylmystyq is Qazaqstan Respýblıkasynyń QK 2t. 190 bap boıynsha № 190000041000072 qylmystyq is bolyp tirkelipti.
«Bank RBK» AQ basqarma tóraǵasynyń mindetin atqarýshy A. Tokarevtyń 12.03.2019 jyly qol qoıǵan «36004798231,02 teńge somasynda Bank qarjysyn urlady» degen aıyppen kompanııadaǵy jaýapty tulǵalardy qylmystyq jaýapkershilikke tartý týraly» aryzymen bastalypty.
Q. Reıimovtyń túsindirýinshe, áýel basta bul azamattyq –quqyqtyq is bolatyn. Sebebi Bank RBK jáne bizdiń kompanııalar arasynda bank qaryzy týraly shart bar. Bul shart 150 paıyzǵa deıin kepilmen qamtamasyz etilipti. Oıdan jasalǵan qylmystyq isti qozǵaǵanǵa deıin «Almatymetroqurylys» aksıonerleri ózderiniń narazylyqtaryn azamattyq-quqyqtyq tártipte sheship kelipti.
«Kompanııalar men bank arasyndaǵy qaryzdyń úshten biri ótelgen. Jáne qaryzdy óteý jáne bereshekti esepke alý týraly mámile de jasalǵan» deıdi Qaırat Reıimov.
Qaırat Reıimov, sondaı-aq bul istiń qylmystyq tártipte qarastyrylmaýy kerek ekenin jınalǵandardyń qaperine salyp ótti. Búgin bir-birimen kelisimge kele almaı otyrǵan «Almatymetroqurylys» aksıonerleriniń ıeligindegi «Injenerlik qoldaý qurylys kompanııasy» men «DK Investment» JShS arasynda 2014 jyly 20 naýryz aıyndaǵy shart aıasynda baǵaly qaǵazdardy satý jáne satyp alý týraly kelisimge qol qoıylǵan. Osy shartqa sáıkes «Injenerlik qoldaý qurylys kompanııasy» «DK Investment» JShS-ne «Almatymetroqurylys» AQ aksııalarynyń 39 paıyzyn tabystaý týraly mindettemeni qabyldap, Dinmuhammed Ydyrysov pen «Almatymetroqurylys» AQ arasynda shartqa qol qoıylǵan.«Shartta kórsetilgen 39 paıyz aksııany men tapsyrýǵa daıynmyn. Biraq ony zańdy túrde júrgizý kerek. Ol úshin aksııalardy nemese baǵaly qaǵazdardy qoldanystan shyǵaryp, ekinshi taraptyń ıeligine ótkizý týraly eki buıryq kúshine ený kerek. Biraq Ydyrysovtan baǵaly qaǵazdardy tapsyrýǵa buıryq bolǵan joq. T1,5 mlrd qaryzǵa keletin bolsaq, «Metroqurylys» AQ ony tóleýge daıyn, biraq nesıe berýshi ony qabyldap alýǵa daıyn emes, ol bizben kelissóz ústelinde otyrmaıdy. Men 2019 jyldyń naýryz aıynan beri Ydyrysovpen kezdesken joqpyn. Eger ol maǵan 80% aksııany ózine berýim kerek degen qujatty usynsa, men ony dereý tapsyramyn» deıdi Qaırat Reıimov.
Joǵaryda atalǵan derekterge qaramastan, basynda UQK, keıin Ekonomıkalyq bergeý departamenti, qazir Polısııa departamenti Prokýratýranyń qadaǵalaýymen azamattyq quqyqtyq jáne kommersııalyq daý sıpatyndaǵy jaǵdaıǵa qatysty qylmystyq qýdalaýdy alty aıdan beri jalǵastyryp kele jatyr.
«Almatymetroqurylys» AQ Dırektorlar keńesiniń tórǵasy Qaırat Reıimovtyń aıtýynsha, jaqynda polısııa departamenti joǵaryda atap ótken eki isti bir qylmystyq iske biriktirip tastapty.
«Dinmuhammed Ydyrysov, Prokýratýra, Polısııa Qaırat Reıimovke qarsy shyǵyp otyr. Muny qalaı toqtatýǵa bolady?» deıdi Qaırat Reıimov.
О́tken aptada «Almatymetroqurylys» aksıonerleriniń teketiresi metro qurylysyn turalatýy múmkin» degen habar taraǵan bolatyn.
Q. Reıimov aksıonerler arasyndaǵy teke-tires «Almatymetroqurylys» jumysyna kedergi keltirýi múmkin» degen qaýipti joqqa shyǵarmaıdy. Sebebi AQ-nyń 80 paıyz aksııasy qazir buǵattalǵan.
«Men metro qurylysy toqtaıdy dep oılamaımyn, biraq men quqyq qorǵaý organdarynyń qandaı is-qımyl jasaı alatyndyǵyn elestete almaımyn. Metrodaǵy jumysshylardyń kez-kelgen máselelerge qatysty alańdaýshylyǵyn men túsinemin» deıdi Qaırat Reıimov.
Joǵaryda aıtyp ketkendeı, «Almatymetroqurylys» aksıonerleri arasyndaǵy teke-tirestiń bastalǵanyna jarty jyl boldy. Qaırat Reıimovtiń túsindirýinshe, Almaty metropolıteniniń eki stansııasy qurylysy kestege saı júrip jatyr. Qarjylandyrý jaǵynan kedergiler bolmasa, eki stansııa da 2020 jyldyń sońyna qaraı paıdalanýǵa beriledi.
24 qazanda «Almatymetroqurylys» qyzmetkerleri tóraǵasy Reımovty qylmystyq qýdalaý eki metro stansııasynyń qurylysyn jalǵastyrýǵa qaýip tóndiretinin BAQ arqyly málimdegen bolatyn.
25 qazanda Almaty Metropolıteni basshylyǵy qurylystyń toqtap qalýyna sebep joq ekenin, jumys jalǵasyp jatqanyn habarlaǵan.
