Sport • 30 Qazan, 2019

Shaıbaly hokkeı: «Barys» «Metallýrgten» utylyp qaldy

263 ret
kórsetildi
1 mın
oqý úshin

Qurlyqtyq hokkeı lıgasynyń (QHL) kezekti týr oıynyn Nur-Sultanda ótkizgen «Barys» Magnıtogorskiniń «Metallýrginen» utylyp qaldy. 

Shaıbaly hokkeı: «Barys» «Metallýrgten» utylyp qaldy

Bul oıynda esepti qonaqtar ashty. 6 mınýtta Denıs Parshın baǵyttaǵyn shaıba qaqpa torynan tabyldy. Ekinshi kezeń bel ortaǵa jetken tusta aıdyn ıeleri tarazy basyn teńesterdi. Bul joly «Barystyń» qorǵaýshysy Darren Dıs mergendik tanytty. Alaıda 33 mınýtta Maksım Matýshkın «Metallýrgti» alǵa shyǵardy – 2:1. Odan keıin bul esep ózgergen joq. Osylaısha, jerlesterimiz qatarynan úshinshi kezdesýde jeńilistiń kermek dámin tatty. 

Qazir «Barys» óz konferensııasynda tórtinshi jáne turaqty birinshilikte jetinshi orynda keledi. Bizdiń hokkeıshiler osy kúnge deıin 22 kezdesý ótkizip, 29 upaı jıdy. Olar endi óziniń kelesi básekesin búgin Nur-Sultanda Ekaterınbýrtiń «Avtomobılıst» klýbyna qarsy ótkizedi.

Sońǵy jańalyqtar