Góbeklitepe kesheni týraly fotokórme ashyldy

Góbeklitepe Túrkııanyń Shan­lyýr­fa qalasynan 21 shaqyrym qashyq­tyqta О́rendjık aýyly mańynda ornalasqan. 1963 jyly Ystanbul já­ne Chıkago ýnıversıteti birlese otyryp júrgizgen zertteý jumystary kezinde anyqtalyp, oǵan «V52 neolıttik meken» degen at berildi.

1994 jyldan keıin júrgizilgen ju­mystar barysynda keıin alańnyń asa qun­dy jádiger ekendigi naqtylandy. Qaz­ba jumystarynyń nátıjesinde Gó­bek­litepeniń 12 000 jyl buryn salyn­ǵan ǵıbadat orny ekeni belgili boldy.

Bul ǵıbadathanany aýylsha­rýa­shylyǵy men mal sharýashylyǵyna deıingi kezeńde ańshylar turǵyzǵan dep esepteledi. Qala turmysyna áli qadam basa qoımaǵan ýaqytta salynǵan Góbeklitepe sońǵy ýaqyttaǵy «eń aý­qymdy arheologııalyq jańalyq» retinde qabyldandy. Shamamen 12 myń jyl buryn qalaı jasalǵany bel­gisiz ǵıbadathana Mysyr pıramıda­synan 7 100 jáne Anglııadaǵy Stoýnhendjden shamamen 6 600 jyl buryn salynǵan.

Góbeklitepe týraly ǵylymı de­rek­ter arheologııada neolıttik kezeń­ge qatysty teorııalyq negizder men datalandyrýdy qaıtadan qaraý qajettiliginen málimet beredi. Onyń ornalasqan jeri, aýqymy, datasy men ǵımarattarynyń monýmentaldyǵy jaǵynan ǵımarat neolıttik dáýir úshin erekshe sanalady.

IýNESKO-nyń 2018 jyly ótken «42 Álemdik mura» sessııasy otyrysynda Góbeklitepeniń IýNESKO-nyń Dúnıejúzilik mádenı mura tizimine engizý týraly sheshimi qabyldandy.