Rábıǵa Erkebaıqyzy quqyq qorǵaý salasynyń san tarabynda ter tógip, bólimshe bastyǵy laýyzymyna deıin satylaı kóterilgen eńbekqor maman. О́miriniń qos onjyldyǵynda qatań tártip pen jiti jaýapkershilik júkteıtin salada abyroıly qyzmet etýmen qatar, áıel, ana baqytyn sezingen jan. Búginde ol ul-qyzynyń súıenishi bolýmen qatar, qyzmette talaı názik jannyń súringen sátinde demep júr. Otbasylyq turmystyq zorlyq-zombylyqqa qarsy kúres bólimshesin basqaryp otyrǵan keıipkerimiz úshin 8-naýryz mereke ǵana emes, áıel taǵdyry úshin tolǵanatyn kún.
Prezıdent áıelder qaýymyn halyqaralyq merekemen quttyqtady
«Men úshin 8-naýryz tek mereke ǵana emes, sonymen qatar áıeldiń qoǵamdaǵy róli men taǵdyry týraly tereń oılanatyn kún. Bul kún – analardyń, qyz-kelinshekterdiń eńbegi men tózimine qurmet bildiretin erekshe sát. Kúndelikti kúıbeń tirshilikte áıel eńserip júrgen júk kózge kórinbeı, elenbeı qalyp jatady. Al kóktemniń osy bir kórkem kúninde bar álem áıeldiń bolmysyna basyp ıip, qoǵam úshin atqaryp júrgen qyzmetine alǵys aıtady, qadirin tereń túsinedi. Sondyqtan mereke máni áıeldiń, ananyń názik qyryn eske túsirip, eselep alǵys aıtatyny úshin qundy», deıdi Rábıǵa Erkebaıqyzy.
Shendi keıipkerimizdiń qyzmeti de áıelderdiń quqy men otbasy, qoǵamdaǵy ornynyń ornyqty bolýymen baılanysyp jatyr. Jasyratyny joq, qoǵamymyzda stalkıng sergeldeń etip, zorlyq qurbanyna aınalǵandar azaımaı tur. Bul tusta da memleketimiz áıel erkindigi men quqyn zańmen shegelep berdi. Iste joǵaryda atalǵan jaǵymsyz kórinispen kúresip júrgen Rábıǵa Erkebaıqyzy, dese de keıingi jyldary áıelderge degen izgi kózqaras myǵym ornyǵyp, oń ózgerip kele jatqanyn tilge tıek etti.
«Bes saýsaq birdeı emes ekeni beseneden belgili. Sondyqtan bolar áıelderge kúsh qoldaný túbegeıli tolastaǵan joq. Alaıda olardyń sany birte-birte azaıyp kele jatqanyna kóz jetkizip júrmiz. Mundaı oń nátıjege «Áıelderdiń quqyqtary men balalardyń qaýipsizdigin qamtamasyz etý týraly zań» aıasynda da múmkin bolyp otyr. Qyz-kelinshekterdiń quqy zańmen kepildendirilip, adamdyq parasatpen úılese túskende ǵana olardyń ómiri óksimeıdi dep oılaımyn», degen oıyn ortaǵa salǵan Rábıǵa Erkebaıqyzy ózge áıelderge arasha bolatyn mamandyǵynda ishki kúıin berik ete alǵan jan.
«Bul salada uzaq jyldar qyzmet etý úshin eń aldymen tózimdilik, ádildikke degen berik ustanym, jaýapkershilik pen rýhanı myqtylyq qajet. Sonymen qatar adamdar taǵdyryna beıjaı qaramaı, árbir sheshimdi zań men ar-ojdan aıasynda qabyldaı bilý mańyzdy. Meniń ustanymym osyǵan saıady ári áıel qaýymynyń qýanyshy úshin sát saıyn ter tógip júrgenim men úshin ómirlik mańyzdy mindet», deıdi ol.
Árıne, temirdeı tártipti talap etetin qyzmette otbasy men jardyń qoldaýy mańyzdy. Keıipkerimiz januıa men mamandyqtaǵy mardymdy tirligin ómirdiń ár qyryndaǵy tepe-teńdikpen baılanystyrady.
Qurmetke bólengen ana: Lázzat Taımyrqyzynyń taǵylymǵa toly ǵumyry
«Tepe-teńdikti saqtaý úshin ýaqytty durys josparlaý, otbasyǵa sapaly kóńil bólý jáne jumystyń júıesin, ondaǵy kóńil-kúıdi úıge alyp kelmeýge tyrysý mańyzdy. Otbasynyń qoldaýy – basty kúsh. Qaı salada bolmasyn, áıel adam úshin otbasy – demeý ári shabyt kózi. Sondyqtan otbasynda qoldaý kórgen áıel úshin alynbaıtyn qamal qalmaıdy», dep oı túıdi Rábıǵa Erkebaıqyzy.
Urpaq órbitip, bolashaq tulǵalardy tárbıelep, jan-jaǵyna meıirim men mahabattyń úzdik úlgisin kórsetip júrgen jandardyń jadyrap júrgeni mańyzdy. Al osy sózderdi jadymyzdan shyǵarmaý eki ese mańyzdy.
