Foto: QR TJM baspasóz qyzmeti
О́rt 2-shi Pervomaıskaıa kóshesinde ornalasqan 5 qabatty turǵyn úıdiń 3-qabatyndaǵy páterde bolǵan. Jalyn tutanǵan sátte ǵımarattyń podezi qalyń tútinge tolyp, turǵyndardy shuǵyl túrde syrtqa shyǵarý qajet boldy. Keıbir turǵyndar órt sóndirýshilerdiń arnaıy baspaldaqtary arqyly qaýipsiz jerge túsirildi.
TJM málimetinshe, oqıǵa ornyna qutqarý bólimsheleri jedel jetip, tútin basqan podezden arnaıy qutqarý qalpaqtaryn paıdalanyp, baspaldaq arqyly 27 adamdy syrtqa alyp shyqqan. Olardyń ishinde 15 bala bar.
Sonymen qatar qutqarýshylar úıden taǵy 76 turǵyndy evakýasııalady. Olardyń 23-i – balalar.
Qutqarýshylardyń jedel ári úılesimdi áreketiniń nátıjesinde órt tolyqtaı sóndirilip, jaǵdaı baqylaýǵa alyndy. Zardap shekkender joq.
