Qazgıdromet sınoptıkteriniń málimetinshe, eldiń birqatar oblysynda jaýyn-shashyn kúsheıip, jeldiń ekpini 15–28 m/s deıin jetýi múmkin. Keı óńirlerde tuman túsip, joldarda kóktaıǵaq qalyptasady.
Batys óńirlerde, sonyń ishinde Aqtóbe men Batys Qazaqstan oblystarynda qar, jaıaý burqasyn jáne kóktaıǵaq kútiledi. Jeldiń ekpini 15–20 m/s deıin kúsheıedi.
Soltústik aımaqtarda, atap aıtqanda Soltústik Qazaqstan, Aqmola jáne Qostanaı oblystarynda qar, burqasyn jáne kóktaıǵaq kútiledi. Keı jerlerde tuman túsip, jeldiń ekpini 23–28 m/s deıin jetedi. Petropavl, Kókshetaý jáne Qostanaı qalalarynda da qarly boran men kóktaıǵaq bolýy múmkin.
Ortalyq óńirlerde, atap aıtqanda Qaraǵandy men Ulytaý oblystarynda qar aralas jańbyr, burqasyn jáne kóktaıǵaq kútiledi. Jeldiń ekpini keı ýaqytta 23 m/s deıin kúsheıýi yqtımal. Qaraǵandy men Jezqazǵanda tuman túsip, joldar taıǵaq bolýy múmkin.
Shyǵys Qazaqstan men Abaı oblystarynda jaýyn-shashyn, burqasyn jáne kóktaıǵaq kútiledi. Jeldiń jyldamdyǵy 15–25 m/s deıin kúsheıedi. О́skemen men Semeıde kúnniń ekinshi jartysynda joldarda kóktaıǵaq bolýy yqtımal.
Ońtústik jáne ońtústik-shyǵys óńirlerde aýa raıy salystyrmaly jumsaq bolǵanymen, tuman men kóktaıǵaq qaýpi saqtalady. Almaty, Jambyl jáne Jetisý oblystarynyń keı aýdandarynda tuman túsip, taýly óńirlerde jeldiń ekpini 15–20 m/s deıin jetedi. Túrkistan oblysynyń taýly aımaqtarynda jańbyr men naızaǵaı bolýy múmkin.
Batys jáne ońtústik-batys óńirlerde de aýa raıy turaqsyz bolady. Atyraý, Qyzylorda jáne Mańǵystaý oblystarynda tuman, kóktaıǵaq jáne jeldiń kúsheıýi kútiledi.
Sınoptıkter el turǵyndaryna aýa raıynyń kúrt ózgerýine baılanysty jolda saq bolýǵa, alys saparǵa shyqqanda qaýipsizdik sharalaryn eskerýge keńes beredi.
