Foto: Oqý-aǵartý mınıstrligi
Júldegerlerdi marapattaý rásimine Oqý-aǵartý mınıstri Juldyz Súleımenova qatysyp, jas sportshylarǵa izgi tilegin bildirdi. Sharaǵa sondaı-aq Qazaqstan fýtbol federasııasynyń prezıdenti Marat Omarov ta qatysty.
Mınıstr óz sózinde «Keleshek mektepteri» jobasynyń Memleket basshysy Qasym-Jomart Toqaevtyń tapsyrmasymen júzege asqan mańyzdy bastama ekenin atap ótti.
«Bul joba – el bolashaǵyna baǵyttalǵan erekshe qadam. Memleket basshysy sizderge úlken senim artady. Búgingi jeńimpazdardy shyn júrekten quttyqtaımyn. Týrnır oqýshylardy biriktirip, dostyqty nyǵaıtyp, komandalyq rýhty qalyptastyrýǵa yqpal etti», dedi Juldyz Súleımenova.
Oqý-aǵartý mınıstrliginiń málimetinshe, jarystyń negizgi maqsaty – mektep sportynyń deńgeıin kóterý, salaýatty ómir saltyn nasıhattaý jáne oqýshylar úshin qoljetimdi sporttyq orta qalyptastyrý. Úsh kúnge sozylǵan dodaǵa elimizdiń ár óńirinen kelgen 20 komanda qatysty.
Týrnır qorytyndysy boıynsha Astana qalasynyń komandasy chempıon atandy. Ekinshi oryndy Qyzylordadaǵy «Keleshek mektebiniń» komandasy ıelense, Túrkistan quramasy úzdik úshtikti túıindedi.
Sonymen qatar jarys barysynda oqýshylar «Úzdik qaqpashy», «Úzdik shabýylshy», «Úzdik surmergen» atalymdary boıynsha marapattaldy. Jas sportshylardy tárbıelep júrgen jattyqtyrýshylardyń eńbegi de nazardan tys qalǵan joq.
«Keleshek mektepteri»: Elimizde 217 zamanaýı bilim oshaǵy ashyldy
Osylaısha, «Keleshek mektepteri» aıasyndaǵy týrnır jasóspirimder sportyna serpin berip, el óńirlerinen kelgen oqýshylardyń ózara tájirıbe almasýyna múmkindik jasady.
