Shaqyrtý qaǵazy – áskerı komıssarıatqa kelýdi talap etetin resmı qujat. Ol azamatqa jeke qol qoıdyrý arqyly, jumys orny nemese oqý orny arqyly, sondaı-aq eGov portaly, mobıldi qosymsha nemese SMS arqyly jiberilýi múmkin. 2025 jyldan bastap bul sıfrlyq habarlamalar zańdy kúshke ıe boldy.
Qujatta naqty kelý ýaqyty, kúni jáne mekenjaıy kórsetiledi. Eger azamat dáleldi sebepsiz kelmese, ákimshilik jaza qoldanylady, al áskerden ádeıi jaltarý qylmystyq jaýapkershilikke ákelýi múmkin.
Pavlodarda áskerı qyzmetshi qaza tapty: Qylmystyq is qozǵaldy
Shaqyrtý alǵannan keıin eń aldymen ondaǵy málimetterdiń durystyǵyn tekserý qajet. Sonymen qatar, jeke kýálik, oqý ornynan anyqtama, medısınalyq qujattar sııaqty qajetti qaǵazdardy aldyn ala daıyndaǵan durys. Eger belgilengen ýaqytta kele almasańyz, sebepti qujatpen dáleldep, áskerı komıssarıatqa aldyn ala habarlaý kerek.
Aıta ketý kerek, shaqyrtý alý birden áskerge ketýdi bildirmeıdi. Kóp jaǵdaıda bul tek medısınalyq tekserý men derekterdi naqtylaý úshin júrgiziledi. Daıyndyq durys bolsa, bul prosess qıyndyqsyz ótedi.
