Memleket jerdi úsh negizgi maqsatta beredi: jeke turǵyn úı qurylysyna (10 sotyqqa deıin), jeke qosalqy sharýashylyqqa (sýarylmaıtyn jerde 25 sotyqqa deıin, sýarylatyn jerde 15 sotyqqa deıin) jáne baý-baqsha nemese saıajaı úshin (12 sotyqqa deıin). Bul telimderdiń aıyrmashylyǵy tek kóleminde emes, paıdalaný múmkindiginde de. Mysaly, úı salyp, tirkelýge jáne keıin satý nemese ıpotekaǵa qoıýǵa bolady. Al saıajaı jerlerinde turaqty tirkelý múmkindigi joq.
Ekibastuzda sıfrlyq hab qurylady: Jer ýchaskeleri anyqtalyp, kelisimder jasaldy
О́tinish berý prosesi tolyqtaı onlaın formatqa kóshken. Ol úshin elektrondy sıfrlyq qoltańba qajet. JTQ (jeke turǵyn úı qurylysy) úshin eGov portaly arqyly kezekke turý jetkilikti. Al qosalqy sharýashylyq nemese saıajaı jerin alý úshin aldymen kadastr kartasynan bos jerdi taýyp, sodan keıin ótinish berý kerek.
Jer alý úshin belgili bir óńirde tirkelý mindetti emes. Azamattar kez kelgen oblysta ótinish berip, birneshe jerde qatar kezekte tura alady. Biraq jer telimi tek bir ret, kezek qaı jerde tez jetse, sol jerden beriledi.
Kezek kútý ýaqyty óte uzaq bolýy múmkin – keıde 5–6 jyldan 10–15 jylǵa deıin sozylady. Ásirese iri qalalarda, mysaly Almaty men Astanada bos jerdiń jetispeýi baıqalady. Sebebi zań boıynsha jer bermes buryn memleket ony ınfraqurylymmen qamtamasyz etýi tıis.
Ile Alataýynyń taý bókterindegi jer telimi memleketke qaıtaryldy
Bul prosesti deldaldar arqyly jedeldetý múmkin emes, óıtkeni barlyq kezek elektrondy túrde júrgiziledi. Deldaldar tek keńes berý qyzmetin ǵana kórsete alady.
О́tinishtiń mártebesin eGov portalynan nemese kadastr júıesinen tekserýge bolady. Onda kezektegi orny, ótinish kúni jáne qazirgi jaǵdaıy kórsetiledi.
Jer alǵannan keıin ony mindetti túrde ıgerý qajet: úı salý nemese maqsatqa saı paıdalaný kerek. Alǵashynda jer jalǵa beriledi, al menshik quqyǵy tek qurylys aıaqtalǵan soń rásimdeledi. Ádette bul úshin shamamen úsh jyl ýaqyt beriledi. Eger jer paıdalanylmasa, memleket ony keri qaıtaryp ala alady.
