Dıplomatııalyq forýmda el Prezıdenti jahandyq ahýalǵa qatysty pikir bildirip, álimdik saıasattyń turaqtylyǵynda kósbasshylyq qasıetterdiń asa mańyzdy ekendigin atap ótti.
«Jahandyq kóshbasshylar, álemniń ár qıyryndaǵy jekelegen memleketterdiń jetekshileri, eń aldymen, halyqaralyq qaýipsizdik pen beıbitshilik máselelerine jaýapkershilikpen qaraýy qajet dep sanaımyn. Qazirgi sátte strategııalyq ustamdylyq óte mańyzdy. Meniń oıymsha, búgingi kúrdeli ári qarama-qaıshylyqqa toly álemdegi shıelenisterdiń túıinin tarqatý asa qıyn emes. Jaı ǵana jaýapkershilik tanytyp, sabyrly bolý qajet», dedi Qazaqstan Prezıdenti.
Memleket basshysy Taıaý Shyǵystaǵy ahýalǵa qatysty ahýalǵa da toqtaldy. Prezıdent kelissózder barysynda basty máselelerge den qoıý kerektigin atap ótti.
Memleket basshysy Antalııa dıplomatııalyq forýmynyń paneldik sessııasyna qatysty
«Álemde oryn alǵan jaǵdaılarǵa baıyppen qaraýǵa keńes berer edim. Máselen, bári Irandy talqylap jatyr. Árıne, bul eldegi ahýal óte kúrdeli. Oǵan qatysty qandaı da bir pikir aıtý qıyn. Qazaqstan Shyǵanaqtaǵy elderge tilektestigin bildirdi. Biz taraptardy strategııalyq ustamdylyqqa jáne áskerı is-qımyldy toqtatýǵa shaqyrdyq. Bul qaqtyǵystyń aýyr saldaryn bári sezindi. Eń áýeli ekonomıka quldyrady. Búginde Ormuz buǵazynda kemelerdiń erkin júzýine qoıylǵan tosqaýyl týraly aıtylyp jatyr. Biraq dálizdiń qaqtyǵysqa deıin erkin saýda jasaýǵa ashyq bolǵanyn eskerý qajet. Sondyqtan máseleniń mánine úńilgenimiz jón», dedi Qasym-Jomart Toqaev.
Sondaı-aq jıynda Memleket basshysy Birikken Ulttar Uıymyn reformalaý, halyqaralyq ınstıtýttardy jetildirýdiń mańyzdyǵyna toqtaldy.
Nurbolat AMANBEK
