foto: Aqorda
Is-sharany Túrkııa Parlamentiniń depýtaty, burynǵy syrtqy ister mınıstri Mevlıýt Chavýshoǵly júrgizdi.
Memleket basshysy Túrkııa Rejep Taııp Erdoǵannyń basshylyǵymen halyqaralyq arenadaǵy bedelin arttyryp kele jatqanyn aıryqsha atap ótti.
«Eń aldymen, kóregen kóshbasshy Rejep Taııp Erdoǵannyń jetekshiligimen Túrkııanyń osy aımaqta zor ról atqaratynyn aıtqym keledi. О́ńir álsin-álsin betpe-bet kelip otyrǵan ózekti máselelerdiń sheshimin tabýǵa elderimiz aıtarlyqtaı atsalysa alady dep oılaımyn. Oraıly sátti paıdalana otyryp, Prezıdent Erdoǵannyń kelesi aıda Qazaqstanǵa jasaıtyn memlekettik saparyna erekshe mán berip otyrǵanymyzdy jetkizgim keledi», dedi Qasym-Jomart Toqaev.
Mońǵolııa prezıdenti Qazaqstanǵa memlekettik saparmen keledi
Sodan keıin Qazaqstan Prezıdenti bıyl álemdik qoǵamdastyq aldynda turǵan jáne jaqyn perspektıvadaǵy halyqaralyq kún tártibin qalyptastyratyn negizgi syn-qaterler men úrdister jónindegi oı-pikirimen bólisti.
«Dıplomattar men saıasatkerler adamzat jolaıryqta tur degendi mysal etedi. Birikken Ulttar Uıymynyń burynǵy Bas hatshysy Kofı Annannyń: «Biz áli de jolaıryqta turmyz» dep jıi aıtatyny esimde. Halyqaralyq shıelenisti azaıtýǵa qatysty aıtar bolsaq, bul jaǵdaı eshqashan ózgermeıdi. Qazirgi qaqtyǵystar óńirlik aýqymnan shyǵyp, jahandyq sıpatqa ıe boldy. Árıne, BUU – balamasy joq ámbebap uıym, sondyqtan árbir memleketke belgili bir jaýapkershilik júkteledi. Birikken Ulttar Uıymyna qoldaý kórsetý kerek ekenin jurttyń bári aıtady. Bul – fakt. Biraq Uıymǵa qoldaý kórsetip qana qoımaı, oǵan reforma jasaý kerek. Bul da shyndyq. Ashyǵyn aıtqan jón, «Uıymǵa tez arada reforma jasalady» degenge eshkim senbeıdi. О́ıtkeni BUU-ny reformalaý, ózgertý, qyzmetin qaıta qaraý máselesin kópten beri kóterip júrmiz. Odan eshqandaı nátıje shyqqan joq. Birikken Ulttar Uıymyn reformalaý, eń aldymen, Qaýipsizdik Keńesinen bastalýy kerek ekenin moıyndaýymyz qajet», dedi Memleket basshysy.
Antalııa forýmy: Prezıdent paneldik sessııaǵa qatysý úshin NEST kongress ortalyǵyna bardy
