Buǵan deıin tórt munaı qoımasyna soqqy jasalǵany habarlanǵan edi. Irandyq buqaralyq aqparat quraldarynyń málimetinshe, elde munaı ónimderiniń qory jetkilikti.
Tasnim agenttiginiń jazýynsha, yqtımal shabýyl aldyn ala boljanǵan. Osyǵan baılanysty Iranda otyn saqtaý oryndaryn ózgertý jáne qaýipsizdik sharalaryn kúsheıtý boıynsha aldyn ala daıyndyq jumystary júrgizilgen.
Shabýyldardan keıin Iran bıligi qyshqyldy jańbyr bolýy múmkin ekenin eskertti.
Al Bahreın Ishki ister mınıstrligi ushqyshsyz ushý apparaty eldegi teńiz sýyn tushytý qondyrǵysyna soqqy jasaǵanyn habarlady. Degenmen, Bahreınniń sý resýrstaryn basqarý mekemesiniń málimetinshe, bul jaǵdaı eldegi sýmen qamtý júıesine áser etpegen.
The New York Times basylymynyń deregine sáıkes, qaqtyǵys bastalǵaly beri AQSh-ta benzınniń ortasha baǵasy 16 paıyzǵa ósken. El boıynsha ortasha baǵa 2024 jyldyń tamyz aıynyń basynan beri mundaı deńgeıge jetpegen.
Sonymen qatar Axios basylymy AQSh pen Izraıl qaqtyǵystyń keıingi kezeńinde Irandaǵy joǵary deńgeıde baıytylǵan ýran qoryn qolǵa túsirý úshin arnaıy kúshter jiberý múmkindigin talqylaǵanyn habarlady.
AQSh Irandaǵy mektepke jasalǵan soqqyǵa qatysy bar ekenin moıyndady
Irannyń Qyzyl jarty aı qoǵamynyń málimetinshe, AQSh pen Izraıl jasaǵan áýe soqqylary saldarynan shamamen 9700 azamattyq nysanǵa eleýli zaqym kelgen. Onyń ishinde 8 myńǵa jýyq nysan turǵyn úıler ekeni aıtyldy.
Tramp Irannyń kelesi kóshbasshysyn tańdaýǵa qatysqysy keletinin aıtty
