Keńeske qatysýshylar buqaralyq sportty damytýdyń odan ári damytý sharalaryn, ulttyq qurama komandalardyń 2020 jyly Tokıoda ótetin Olımpıada oıyndary men Paralımpıada oıyndaryna daıyndyǵy jáne basqa da ózekti máselelerdi talqylady.
Keńeste Mádenıet jáne sport mınıstri Aqtoty Raıymqulova, Ulttyq Olımpıada komıtetiniń sport dıreksııasynyń dırektory Elsııar Qanaǵatov, Ulttyq Paralımpıada komıtettiń atqarýshy dırektory Erlan Súleımenov, sondaı-aq, sport federasııalarynyń ókilderi men ulttyq qurama komandalardyń bas jattyqtyrýshylary sóz sóıledi.
«О́zderińiz biletindeı, el basshylyǵy buqaralyq sportty jáne joǵary jetistikter sportyn damytý jóninde naqty mindetter qoıdy. Buqaralyq sport salasyndaǵy basym baǵyt ‒ el halqynyń júıeli dene shynyqtyrýmen jáne sportpen aınalysýyn arttyrý. Bıyl bul kórsetkish 30%-ǵa jetýi kerek», dedi B. Saparbaev.
Sonymen qatar, ol 2020 jylǵy Olımpıada oıyndaryna lısenzııalardyń az alynǵanyna nazar aýdardy.
«Olımpıada oıyndaryna 8 aı qaldy, bizdiń sportshylar 21 lısenzııa jeńip aldy. Rıo-de-Janeırodaǵy Olımpıadaǵa deıin bizde osyndaı ýaqytta 45 lısenzııa bolǵan. Sizderdiń aldaryńyzda kem degende 100 lısenzııany jeńip alý mindeti tur», dedi vıse-premer.
A. Raıymqulovanyń aıtýynsha, elimizde 38 myń sport ǵımaraty bar, onyń ishinde 27 myńy ‒ bilim berý nysandary, 11 myńy ‒ sport nysandary. Statıstıkaǵa sáıkes, 5,5 mln qazaqstandyq dene shynyqtyrýmen jáne sportpen turaqty aınalysady.
Mınıstr buqaralyq sportty damytýǵa kedergi keltiretin máselelerdiń qatarynda nusqaýshylar men ádiskerlerdiń jetispeıtindigine toqtaldy. Ásirese, Aqmola oblysynda mamandar jetispeıdi.
«Sporttyq qural-jabdyqtarmen jaraqtandyrýdy da jaqsartý artyq etpeıdi. Bizdiń málimetterimiz boıynsha mektepterdiń tek 66%-y ǵana arnaıy sporttyq jabdyqtarmen jaraqtandyrylǵan», dedi ol.
О́z kezeginde E. Qanaǵatov Tokıo Olımpıadasynda 33 sport túrinen 339 medal jıyntyǵy oınalatynyn aıtty. Alǵash ret 5 sport túri qosyldy, atap aıtsaq: karate, quzǵa órmeleý, beısbol, skeıtbordıng jáne serfıng.
«Rıo-de-Janeırodaǵy Olımpıadadan keıin aldaǵy Olımpıada oıyndaryna daıyndyq boıynsha keshendi sharalar ázirlendi. Eń aldymen, bizdegi álsiz pozısııalar bar salalarǵa nazar aýdardyq ‒ bul sport medısınasy jáne sportshylardyń jattyǵýy úshin jaǵdaı jasaý. Qazir sporttyń barlyq túrlerinde qurama komandalarda dárigerler, massaj jasaýshylar, dıetologtar jáne basqa da mamandar bar, olar jattyǵý jıyndary men jarystarda komandalardy súıemeldep júredi. Búginde biz 100-den astam sport medısınasy mamandaryn tarttyq, olar jattyqtyrýshylar quramymen birge ulttyq qurama komandalardy daıyndaýǵa qatysýda», dedi E. Qanaǵatov.
Onyń aıtýynsha, dopıngke qarsy jumysqa erekshe nazar aýdarylady. Osy toqsannyń ózinde 15 semınar ótkizildi. Qazaqstannyń ulttyq dopıngke qarsy ortalyǵymen belsendi yntymaqtastyq ornatylǵan.
Bıyl qazaqstandyq sportshylar álem chempıonattarynda rekordty 19 medal jeńip aldy, bul jaqsy áleýettiń baryn kórsetedi.
Keńesti qorytyndylaı kele, vıse-premer barlyq múddeli taraptardyń ózara árekettesýi qajet ekenin atap ótti.
«Beıindi mınıstrlik, ulttyq olımpıada komıteti, federasııalar jáne óńirler arasynda tyǵyz ózara is-qımyl ornaýy kerek. Sonda biz jaqsy nátıjelerge qol jetkize alamyz. Sonymen qatar, buqaralyq sportty damytýǵa belsendi aralasý qajet. Qazaqstanda 11 myńnan astam sport nysany bar, mektepterdiń 86%-y sport zaldarymen jabdyqtalǵan. Bolashaq chempıondardy tárbıeleý úshin balalar men jasóspirimder sportyn damytý qajet, halyq arasynda sport pen salaýatty ómir saltyn nasıhattaý kerek. Barlyq múmkindikter jasalǵan. Úkimet federasııalardy únemi qoldap keldi jáne odan ári qoldaı bermek. Bizdiń basty mindetimiz ‒ Tokıo Olımpıadasynda Qazaqstandy laıyqty túrde kórsetý», dep túıindedi B. Saparbaev.
