Nıderlandy syrtqy ister mınıstrligi Bas dırektorynyń saıası ister jónindegi orynbasary Pıter-Iаn Kleıveg de Zvaanmen kezdesý barysynda taraptar elder arasyndaǵy syndarly saıası dıalogty atap ótip, ekijaqty yntymaqtastyqtyń aldaǵy perspektıvalaryn talqylady.
R. Vasılenko Qazaqstan Nıderlandyny Eýropadaǵy negizgi saıası jáne saýda-ekonomıkalyq seriktesterdiń biri retinde qarastyratynyn atap ótti. Asa joǵary jáne joǵary deńgeıdegi baılanystardyń joǵary qarqyny, eki el basshylary dıalogynyń senimdi sıpaty, sondaı-aq Qazaqstan men Nıderlandynyń BUU Qaýipsizdik Keńesine bir mezgilde múshe bolýy barysyndaǵy dıplomattardyń ózara is-qımylynyń oń tájirıbesi atap ótildi.
Ol Qazaqstan Premer-Mınıstriniń sapary barysynda qol qoıylǵan aýyl sharýashylyǵy, turǵyn úı-kommýnaldyq sharýashylyǵy jáne jerdi qashyqtyqtan zondtaý salalaryndaǵy yntymaqtastyq týraly qujattardyń mańyzdylyǵyn ataı otyryp, «Koroldik Qazaqstanǵa tikeleı ınvestısııalardyń jalpy kólemi boıynsha «nómir birinshi» ınvestor bolyp tabylady jáne bul úrdis jalǵasyn tabady dep úmittenemiz», - dedi.
Sonymen qatar, qazaqstandyq dıplomat áriptesterimen Qazaqstannyń Nıderlandyda «Kazakh Invest» AQ eýropalyq ofısin ashý jónindegi josparlary týraly aqparatpen bólisti.
О́z kezeginde, Nıderlandtyq tarap Qazaqstanda júrgizilip jatqan quqyq ústemdigin odan ári nyǵaıtýǵa jáne bıznes úshin qolaıly jaǵdaı jasaýǵa baǵyttalǵan saıası jáne ekonomıkalyq reformalardy qoldaıtynyn atap ótti.
Yntymaqtastyqtyń qazirgi joǵary deńgeıin eskere otyryp, taraptar Qazaqstan men Nıderlandy syrtqy saıası vedomstvolary arasyndaǵy saıası konsýltasııalar formatynda turaqty baılanystardy qoldaý mańyzdy dep kelisti. Nıderlandy SIM Bas dırektorynyń orynbasary osyndaı kelissózderdi ótkizý úshin jaýapty saparmen Nur-Sultanǵa kelýge daıyn ekenin jetkizdi.
Áńgimelesý barysynda taraptar elderdiń kópjaqty formattaǵy tabysty ózara is-qımylyn jáne Nıderlandynyń Qazaqstan men EO arasyndaǵy Keńeıtilgen áriptestik pen yntymaqtastyq týraly kelisimin ratıfıkasııalaýyn qanaǵattana atap ótti. Dıplomattar EO-nyń Ortalyq Azııa boıynsha jańa strategııasy sheńberindegi yntymaqtastyq perspektıvalaryna, «Jýsan» operasııasy sheńberindegi áskerı is-qımyldar aımaqtarynan óz azamattaryn qaıtarýdyń qazaqstandyq tájirıbesine, sondaı-aq jappaı qyryp-joıý qarýyn taratpaý máseleleri boıynsha ózara is-qımylǵa erekshe nazar aýdardy.
Qazaqstandyq tarap aǵymdaǵy jyldyń 26 qarashasynda Gaagada ótetin «Álem dárigerleri ıadrolyq soǵysty boldyrmaý úshin» uıymynyń Nıderlandtyq bólimshesiniń 50 jyldyǵy aıasynda ótetin «Iаdrolyq qarýdan azat álemge shaqyrý» halyqaralyq konferensııasyna qatysýǵa daıyn ekendigin jetkizdi.
Gaagada bolý barysynda R. Vasılenko Nıderlandy Koroldigi bas Shtattary ókilderi palatasynyń Halyqaralyq ister jónindegi komıtetiniń múshelerimen de kezdesý ótkizdi.
Mınıstrdiń orynbasary elimizde bolyp jatqan ishki saıası úderister jáne Qazaqstan Prezıdenti Qasym-Jomart Toqaevtyń qyrkúıek aıyndaǵy Qazaqstan halqyna Joldaýynda atap kórsetken basymdyqtary týraly egjeı-tegjeıli aıtyp berdi.
Qazaqstannyń kópvektorly dıplomatııasy «Demokraty 66» partııasynan depýtat Shord Shordsmanyń úlken qyzyǵýshylyǵyn týdyrdy, ol Qazaqstan Premer-Mınıstriniń saparyn Qazaqstan men EO arasyndaǵy ózara is-qımyldy nyǵaıtýdaǵy mańyzdy qadam retinde atap ótti.
Eýropa Keńesiniń Parlamenttik Assambleıasynda Nıderlandy atynan ókildik etetin «erkindik pen demokratııa úshin» halyqtyq partııasynan depýtat Enn Mıýlder parlamentaralyq yntymaqtastyqty odan ári keńeıtýdiń mańyzdylyǵyn atap ótti. Qazaqstannyń EQYU Parlamenttik Assambleıasy jáne Eýropa Keńesi sııaqty parlamenttik ınstıtýttarmen ózara is-qımyly máselesi bólek talqylandy. Nıderlandtyq zań shyǵarýshylar osy parlamentaralyq qurylymdardyń is-sharalar aıasynda qazaqstandyq depýtattarmen jıi kezdesýler ótkizýge, sondaı-aq elimizge saparmen kelýge nıet tanytty.
Sonymen qatar kezdesý barysynda Ortalyq Azııadaǵy óńirlik yntymaqtastyq máseleleri, Qazaqstannyń EAEO-ǵa jáne «Beldeý men jol» bastamasyna qatysýy, Aýǵanstandy turaqtandyrýǵa qosqan elimizdiń úlesi, sondaı-aq terrorızm men ekstremızmge qarsy kúres máseleleri talqylandy.
