2019 jyly memlekettik grantty 63 kásipker ıelendi. Qalalyq Investısııalar jáne kásipkerlikti damytý basqarmasynyń málimetine sáıkes, ótken jylmen salystyrǵanda bıyl bıznes jobalar 2,6 esege ósken.
2018 jyly grantty 24 kásipker alǵan bolatyn. Granttar óz isin jańadan bastap jatqan 29 jasqa deıingi jas kásipkerlerge. 50 jastan asqan áıelder, múgedekterge berildi.
Memlekettik qoldaýǵa ıe bolǵan kásipkerler negizinen taýar óndirý, bilim berý, kıim tigý, aqparattyq tehnologııalar, baspa isi, ǵylym, sáýlet jáne qyzmet kórsetý salasynda jumys isteıtinder. Respýblıkalyq bıýdjetten shaǵyn jáne orta kásipkerlikti damytýǵa 128 mln teńge bólindi.
Sondaı-aq Jastar jylyna oraı «Bıznestiń jol kartasy-2020» baǵdarlamasyna sáıkes 29 jasqa deıingi jas kásipkerlerdi qoldaýǵa qosymsha 75 mln teńge bólindi.
