Bıylǵy jyldyń 30 qazanyndaǵy shuǵyl derekter boıynsha 89 mln tonna kómir óndirildi, bul ótken jyldyń sáıkes kezeńimen salystyrǵanda 98%-dy quraıdy.
Osy kezeńde eldiń ishki naryǵyna kómirdi jetkizý 61 mln tonnany qurady, onyń ishinde:
- energııa óndirýshi kásiporyndarǵa 46,0 mln tonna kómir tıeldi;
- ónerkásip kásiporyndaryna 5,6 mln tonna kómir tıeldi;
- kommýnaldyq-turmystyq qajettilikterge jáne halyqqa 9,1 mln tonna kómir tıeldi.
Jylytý maýsymynyń bastalýy aldynda jergilikti atqarýshy organdar 2019-2020 jyldarǵa arnalǵan kommýnaldyq-turmystyq qajettilikter men turǵyndar úshin kómir óniminiń qajettiligi josparyn jasady. Esep boıynsha bıyl 10,5 mln tonna kómir tutyný josparlanǵan. Onyń ishinde 2,7 mln tonnasy - kommýnaldyq-turmystyq qajettilikterge, 7,7 — turǵyndardyń tutynýyna.
Mınıstrlik apta saıyn Jospardyń oryndalýy men kómirmen qamtylýǵa monıtorıng júrgizedi.
30 qazandaǵy jaǵdaı boıynsha kommýnaldyq-turmystyq sektor jalpy josparǵa qatysty kómir qorymen 92,2%-ǵa, turǵyndar - 76,1%-ǵa qamtamasyz etilgen.
Aqtóbe, Jambyl, ShQO, BQO, Qaraǵandy, Qyzylorda, Pavlodar oblystarynyń, Almaty jáne Shymkent qalalarynyń ákimdikteri kommýnaldyq-turmystyq sektor úshin kómir jetkizýdiń jyldyq kestesin tolyq qamtamasyz etti.
Qanat Baıytov Aqmola oblysynda «Ideal-Treıd» JShS treıderiniń Shubarkól kómirin jetkizýge kelisimshartty oryndamaýyna qatysty jaǵdaı boıynsha túsinik berdi. Onyń aıtýynsha, másele sheshilgen, kómir jospar boıynsha eki aýysymdy rejımde tıelýde. Bıyl 25 qazan men 30 qazan aralyǵynda «Ideal-Treıd» JShS ótinimderi boıynsha 14 vagon nemese 950 tonna kómirdiń Aqtóbe oblysyna tıelýi júzege asyryldy.
Sonymen qatar, Shubarkól razrezinde kómirdiń óz betimen áketýge ótkizý qabiletin arttyrý maqsatynda qosymsha tarazy iske qosyldy, bul turǵyndar úshin tıeýdi arttyrýǵa múmkindik berdi.
«Razrez búıirinde kómirdi óz betimen tasymaldaý kezektilik tártibimen júzege asyrylady. Aǵymdaǵy jylǵy 28 qazandaǵy jaǵdaı boıynsha kezek 50-60 júk mashınalaryn quraıdy. Búgingi kúni óz betimen tasymaldaýdyń jalpy kólemi táýligine 3600 tonnany quraıdy», dedi komıtet tóraǵasy.
Sonymen qatar, ol temirjol tasymalymen tıeý jetkizýshilerdiń ótinimderi boıynsha júzege asyrylatynyn aıtty.
Qarajyra razrezinde óz betimen tasymaldaýda tıeý kólemi táýligine shamamen 1600 tonanny quraıdy. Kómirdi óz betimen tasymaldaýǵa kezekte 30-35 júk mashınasy bar. Sonymen qatar, kómir tıeýdi arttyrý úshin «Qarajyra» AQ ónimdiligi joǵary jańa tehnıka satyp aldy: árqaısynyń júk kótergishtigi 220 tonnany quraıtyn 6 karer samosvalyn, 2 ekskavator (shómish kólemi 23 m3), bul kómir tıeý kólemin 8 mln tonnaǵa deıin jetkizýge múmkindik berdi.
«Maıkóben-Vest» JShS-ynda óz betimen tasymaldaýda tıeý kólemi táýligine 2500 tonnany quraıdy. Kómirdi óz betimen tasymaldaýǵa kezekte 20-30 júk mashınasy bar. Sonymen qatar, turǵyndardyń surypty kómir tıeýin arttyrý úshin «Maıkóben-Vest» JShS ımporttyq ken baıytý jabdyǵyn satyp aldy.
«Bogatyr» razrezinde óz betimen tasymaldaýda tıeý kólemi táýligine 1500 tonnany quraıdy. Kómirdi óz betimen tasymaldaýǵa kezekte 20-25 júk mashınasy bar. Temirjol tasymaly boıynsha tıeý jetkizýshilerdiń ótinimderi boıynsha júzege asyrylady.
