Biz de osy aptada, ıaǵnı 27 qazanda «Eır Astana» kompanııasynyń Qazaqstannyń astanasynan Domodedovo áýejaıyna alǵashqy reısin oryndaýyna arnalǵan saltanatty tusaýkeserdiń ortasynan tabylǵan edik. Nur-Sultannan kelgen jolaýshylardy Domodedovo áýejaıy qazaqtyń ásem bezendirilgen kıiz úıimen, onyń aldynda turǵan batyr tulǵaly bahadúrlerimen jáne arý qyzdarmen ulttyq kúılerimizdi oryndap úlken qoshemetpen qarsy aldy. Osydan-aq eki el arasyndaǵy dostyq ráýishtegi berik baılanysty, týrıstik baǵdarlardyń tıimdiligin arttyra túsýge degen yqylasty baıqaısyz.
«Eır Astana» prezıdenti Pıter Fosterdiń aıtýynsha, Domodedovo áýejaıy – Reseı astanasyndaǵy úzdik ınfraqurylymǵa ıe ári kólik qatynasyna óte qolaıly tamasha termınaldardyń biri. Tańdaýdyń Domodedovoǵa túsýi de beker emes. Bul «Eır Astana» úshin strategııalyq qadam bolyp otyr. О́ıtkeni ózimiz de baıqaǵandaı, Domodedovo áýejaıyn jaılaǵan jasyl japyraq tústi ushaqtar reseılik S7 áýe kompanııasyna tıesili. Olar osy áýejaımen kodsherıngtik kelisimge qol qoıǵan. Al reseılik kompanııamen qazaqstandyq tasymaldaýshy ózara áriptes. Bul da áýe kompanııalarynyń jolaýshylary úshin tıimdi bolmaq. О́ıtkeni «Eır Astananyń» 60-tan astam baǵyttaryn jáne S7-niń 200-den astam ishki jáne halyqaralyq baǵyttaryn qamtıtyn aralas baǵyttaǵy jeli boıynsha saıahattaýǵa tyń múmkindik týdy. Negizinen, reseılik jolaýshylar qolaıly toǵysýlar arqyly Ońtústik-Shyǵys Azııanyń tanymal kýrorttary men qalalaryna deıin jete alady. Sondaı-aq áýe kóligin paıdalanýshylarǵa Nur-Sultan men Almaty qalalarynda «Stopover» baǵdarlamasyn paıdalana otyryp, saparlaryn Qazaqstanda jalǵastyrýǵa jol ashylyp otyr. Byltyr Reseı baǵyttarynda «Eır Astana» 590 myńnan astam jolaýshyny tasymaldady, olardyń basym bóligi eki eldiń astanasy arasynda saıahattasa, «Stopover» baǵdarlamasyn 17 myńnan astam adam paıdalanǵan eken.
Aıta ketelik, osy oraıda, ıaǵnı 2019 jyldyń 27 qazanynan 31 jeltoqsanyna deıin Máskeýge saıahattaýshy alǵashqy jolaýshylarǵa «Eır Astana» áýe kompanııasy áýejaıdan Máskeýdiń ortalyǵyndaǵy Paveleskıı vokzalyna deıin aeroekspreste tegin jol júrýdi usynady. Atalǵan ushqyr poıyz kólik keptelisinen arylmaıtyn Máskeýde áýejaıǵa túsken jolaýshylardy jarty saǵattan astam ýaqytta qala ortalyǵyna jetkizýimen erekshelenedi.
«Eır Astana» Qazaqstannyń basty qalalarynan Máskeýge ushýlardy 2002 jyldyń qyrkúıeginde bastaǵany belgili. Qazirgi ýaqytta «Nur-Sultan – Máskeý – Nur-Sultan» baǵytynda apta saıyn 11 reıs jáne «Almaty – Máskeý – Almaty» baǵytynda apta saıyn 14 reısti oryndaıdy.
– Bizdiń reısterdi aýystyrý týraly sheshimimizdiń negizgi sebebi, S7 kompanııasymen kodsherıngtik kelisimge qol jetkizýimiz boldy. Bul kompanııa álemde kóptegen kodsherıngtik kelisimderge qol qoıǵan. Biz úshin Reseı Federasııasy Qazaqstan naryǵynan keıingi mańyzdy strategııalyq naryq bolǵandyqtan, bul sheshimniń kompanııamyzdyń damýy jolyndaǵy mańyzy zor, – dedi Pıter Foster.
Kompanııa jetekshisiniń aıtýynsha, bul qadam týraly jospar alǵash 2008 jyly oılastyrylsa, ony 11 jyldan keıin ǵana júzege asyrýdyń múmkindigi týyp otyr. Qazirgi kezde qazaqstandyq áýe tasymaldaýshy qyzmet kórsetý jáne operasııalardy oryndaý boıynsha da ozyq kórsetkishterge ıe. Sondyqtan seriktester de kóbeıip keledi.
Domodedovo áýejaıynyń dırektory Igor Borısov Ortalyq Azııanyń barlyq elderi Máskeýge ushý saparlaryn osy áýejaı arqyly oryndap kele jatqanyn jetkizdi. Onyń negizgi sebebin barlyq máskeýlik áýejaılardyń ishindegi eń qysqa baǵdardyń osynda bolýyna baılanysty dep túsindirgen ol ushaqtan túsken jolaýshylardy áýejaı jańartylǵan ınfraqurylymǵa ıe termınalymen qarsy alatynyn, sonymen birge kólik qoljetimdiligi arta túskenin, kópqabatty kólik turaǵy ashylǵanyn, jabyq keshennen turatyn turaqtyń termınalǵa qosylǵanyn atap ótti.
Osy arada aıta ketelik, jańǵyrtylǵan áýejaı vokzalynda Kedendik odaq elderiniń azamattaryna arnalǵan jeke qujat tekserý arnasy baqylaý prosesin tezdete túsedi. Sonymen birge jańa termınaldyń bir shatyr astynda ornalasýy halyqaralyq jáne ishki reısterde jolaýshylardyń áýejaıdan shyqpaı-aq aýysyp otyrýyna qolaılylyǵymen erekshelenedi. Reseı astanasynyń ońtústiginde ornalasqan termınal byltyr 29 mıllıonnan astam adamǵa qyzmet kórsetken eken. Sondaı-aq Domodedovo álemniń 202 baǵytynda ushatyn 50 áýetasymaldaýshy múshe bolyp engen OneWorld jáne Star Alliance sııaqty jahandyq alıanstardyń múshesi.
