Qos sańlaq Nur-Sultan ýaqyty boıynsha 3 qarashanyń tańynda AQSh-tyń Las-Vegas qalasyndaǵy áıgili Medıson Skver Garden kesheninde judyryqtasady. «Kanelo» degen laqap esimdi ıelengen 29 jastaǵy Meksıkanyń saıypqyrany osy kúnge deıin 55 jekpe-jek ótkizdi. 52 márte jeńiske jetip, bir ret utyldy. Eki básekede teń esep tirkeldi. «Talqandaǵysh» degen búrkenshik esimdi ıelengen 36 jastaǵy Reseı sportshysy 38 márte rıngke kóterilip, 34 ret jeńiske jetti. Úsh ret utylyp, bir tartys teń eseppen aıaqtaldy.
Jańa ǵana osy boks keshinde aıtýly qos sańlaqtyń esep-shotyna túsetin qarajat mólsheri belgili boldy. Chempıondyq táj úshin sharshy alańǵy shaqqan Saýl Alvares 35 mıllıon AQSh dollaryn alsa, Sergeı Kovalevqa nebary 3 mıllıon ǵana buıyrady eken.
Las-Vegasta ótetin sol jarysta orta salmaqtaǵy Qazaqstannyń óreni Meıirim Nursultanovtyń Meksıkanyń ókili Krıstıan Olıvaspen judyryqtasatynyn da esterińizge sala keteıik. WBC (USNBC) nusaqasynyń altyn belbeýine talasqany úshin qandasymyz 12,5 myń dollardy ıemdenedi. Onyń qarsylasy jerlesimizden 500 dollardaı kem alady.
