Memlekettik qyzmetkerler salyqqa salǵyrt qaraı ma?

Bir qyzyǵy, menshikke salyq tóleýge salǵyrt qaraı­tyndardyń deni polısııa qyzmetkerleri men ás­kerı qyzmetshiler eken. Shahar­dyń kirister organdary mem­lekettik qyzmetkerlerdiń tur­ǵy­lyqty mekenjaıy jáne jumys orny boıynsha pa­ı­da bolǵan bereshekti óteý qajettigi týraly habarlama da jibergen.

Máselen, menshik salyǵy boıynsha júrgizilgen monıtorıng nátıjesinde ishki ister organdarynyń 289 qyzmetkeri, áskerı bólim­derdiń 218 qyzmetkeri, qar­jy qurylymy salasynda eńbek etetin 67 jeke tul­ǵa jeke múlik salyǵyn keshik­tir­gen. Mamandar boryshker­ler tiziminde ákimdik qyzmet­kerlerinen bastap basqa da memlekettik organ ókilderiniń baryn aıtady.

– Menshik salyǵyn tóleý merzimi qazan aıynyń alǵash­qy kúni aıaqtalǵanyn eske salamyz. Jeke tulǵalar­dyń kólik quraldaryna bıyl­ǵy salynatyn salyq jel­toq­sannyń sońyna deıin tólenýi tıis. Eger ýaqytynda tólenbegen jaǵdaıda qaıta qarjylandyrýdyń resmı stavkasynyń 1,25 eselengen mólsherinde ósimpul esepteledi. Sonymen qatar elimizde 2019 jyldyń 16 shildesinen bastap salyqtar boıynsha ósimpuldardy esepten shyǵarý jáne jeke tulǵalar úshin salyqtyq ra­qymshylyq jasaý týraly Zań kúshine endi. Osylaısha 2019 jyldyń 1 qańtaryna deıin salyq kezeńderi úshin salyqtyń negizgi soma­syn tólegen jaǵdaıda ósim­puldy esepten shyǵarý joly­men júrgiziletin salyq­tyq ra­qymshylyq týraly sa­lyq tóleýshiler men jeke tul­ǵalardyń qaperine jetkizgimiz keledi, – deıdi Almaty qalasy bo­ıynsha Memlekettik kiris­ter departamentiniń mamandary.

Osyǵan baılanysty paıda bolǵan bereshekti shekteý jáne ózge de májbúrlep ón­dirip alý sharalaryn qabyl­daýdy boldyrmaý úshin qu­zyrly organ mıllıon­dar toǵysqan megapolıs turǵyn­daryn memleket aldyndaǵy mindettemelerin ýaqytynda oryndaýǵa, sondaı-aq júrgi­zilip jatqan salyqtyq talaptardy paıdalana otyryp, jınaqtalǵan boryshtardan bosatýǵa shaqyrdy.

ALMATY