Aıtýly jarystyń erler saıysynda Qaraǵandy oblysynan kelgen órenderdiń qarqyny kúshti boldy. Osy óńirden shyqqan Kırıll Staroverkın (81 kılo) men Artem Antropov (96 kılo) aldaryna jan salmady. Sondaı-aq qyzylordalyq Evgenıı Lomanov (89 kılo) pen óskemendik Rınat Qalıaqberov (102 kılo) óz salmaq dárejelerinde jeńimpaz atandy.
Áıelder arasynda aqmolalyq Dıana Júsipbekova (55 kılo) men Ekaterına Stolıarenko (71 kılo) jáne shyǵysqazaqstandyq Darııa Pavlova (64 kılo) altynnan alqa taǵyndy.
Sonymen qatar dál sol kúnderi 23 jasqa deıingi ziltemirshiler arasynda Qazaqstan birinshiligi ótti. Erler men áıelder arasyndaǵy jarystyń ekeýiniń de komandalyq esebinde Qyzylorda oblysynyń ókilderi bas júldeni jeńip aldy.
