Slovakııanyń astanasy – Bratıslavada uıymdastyrylǵan «Chellendjer» sanatyndaǵy týrnırde Mıhaıl Kýkýshkın úshinshi kezeńge joldama alyp otyr. Alǵashqy aınalymdaǵy qarsylasyn qapy qaldyrǵan ol ekinshi oıynda belgııalyq Kımmer Koppeıanstyń tas-talqanyn shyǵardy. Nebary 57 mınýtqa sozylǵan saıys 6:0, 6:2 esebimen aıaqtaldy.
Dál sol jarysta baq synaǵan Aleksandr Nedovesov tusaýkeser kezdesýinde ýkraınalyq Ilıa Marchenkoǵa ese jiberdi – 5:7, 6:7.
AQSh-tyń Noksvıll qalasynda ótip jatqan dodada Dmıtrıı Popkonyń qarqyny qýantarlyq. Bastapqy básekede kolýmbııalyq Roberto Kırosqa san soqtyrǵan jerlesimiz kelesi kezeńde álemniń 118 raketkasy, ıtalııalyq Paolo Loresımen sheberlik baıqasty. Bul tartys Popkonyń paıdasyna sheshildi – 4:6, 6:2, 6:4.
