Shahar basshysy azamattardyń jeke qabyldaýyn ótkizip, onda eńbekaqynyń ýaqytyly tólenbeýi men kezegi kelgenderge baspana berý máselesin qarastyrǵanyn baıandady.
«TOL-Qurylys» kompanııasynyń ókiline qyzmetkerlerdiń tizimin jasap, eńbekaqy boıynsha qaryzdy jabýdy tapsyrdym. Jalpy, ákimdik atalǵan kompanııanyń qyzmetkerler aldyndaǵy bereshek máselesin sheshý boıynsha keshendi jumys júrgizýde. Tıisti tapsyrmalar berildi. Qabyldaýyma kelgenderdiń arasynda turǵyn úı kezeginde turǵandar kóp. Olar úı alý kezegin tezdetýdi ótinýde. Bul máseleni biz halyqtyń muqtaj sanattary úshin salynatyn úı salý kólemin ulǵaıtý esebinen sheshetin bolamyz», – dedi Baqytjan Saǵyntaev.
Qabyldaýda turǵyndar tarapynan qalanyń tynys-tirshiligin jaqsartý boıynsha usynystar da aıtylǵan. Atap aıtqanda, aýany tazartatyn júıe oılap tabý, keńistikti abattandyrý, shyǵarmashylyq oıdy iske asyrý, ana men bala boıynsha aqparatty sıfrlaý, qoǵamdyq qaýipsizdikti qamtamasyz etý.
«Kelip túsken usynystardy qarastyramyz. Múmkin keıbireýin «Bıýdjetke qatysý» jobasy arqyly júzege asyramyz. Keıbir máseleler tereń zertteýdi qajet etedi. Sondaı-aq Qoǵamdyq keńestiń talqysyna túsetin máseleler de bar», – dep túıindedi Almaty ákimi óz jazbasyn.
ALMATY
