Qazirgi tańda óńirdegi ózin-ózi jumyspen qamtyǵan turǵyndardyń biryńǵaı jıyntyq tólemi (BJT) aýdarylǵan jalpy somanyń 1, 270 mln teńgesin qurady.
Aıta ketý kerek, oblysta 3400-den astam turǵyn medısınalyq saqtandyrý júıesine qatysýdyń osy tásilin tańdady. Olar oblystyq mańyzy bar qalada turatyn bolsa, aı saıyn 2525 teńge (1 AEK) nemese basqa eldi mekenderde turatyn bolsa, 1263 teńge (0,5 AEK) tóleıdi. Bul rette somanyń 40%-i medısınalyq saqtandyrý qoryna, 30%-i zeınetaqy aýdarymdaryna, 20%-i áleýmettik saqtandyrýǵa, 10%-i jeke tabys salyǵyna túsedi.
«Áleýmettik medısınalyq saqtandyrý qory» KEAQ Qaraǵandy oblysy boıynsha fılıalynyń dırektory Fazyl Kopobaev biryńǵaı jıyntyq tólem tóleýshiler sanynyń artyp kele jatqanyn aıtady.
– Medısınalyq saqtandyrý júıesine qatysýdyń bul túri turaqty tabysy joq, resmı jumysqa ornalaspaǵan azamattarǵa, mysaly, kútýshilerge, repetıtorlarǵa, qosalqy sharýashylyq ıelerine qolaıly. BJT tóleı otyryp olar 2020 jyldan bastap tegin medısınalyq kómektiń kepildik berilgen kóleminen basqa medısınalyq qyzmetterdiń keńeıtilgen paketine qol jetkize alady, – deıdi ol.
Qaraǵandy oblysy
