Ulttyq sport • 07 Qarasha, 2019

Qaraǵandy oblysynda «Uly dala murasy» halyqaralyq týrnıri ótedi

49 ret kórsetildi

Qaraǵandy oblysyndaǵy Shet aýdanynyń ortalyǵy Aqsý-Aıýly kentinde bolatyn «Uly dala murasy» halyqaralyq týrnırinde Mońǵolııa men Qyrǵyzstan jáne elimizdiń 13 oblysynan aýshy qustar men tazy tuqymdy ıtteri bar ańshylar baq synaıdy.

Aqyn, qoǵam jáne memleket qaıratkeri Sáken Seıfýllınniń 125 jyldyq mereıtoıy aıasyndaǵy bul sporttyq shara 8-10 qarasha kúnderi ótedi. Týrnırdi Mádenıet jáne sport mınıstrliginiń Sport jáne dene shynyqtyrý isteri komıteti, Qazaqstannyń etnosport qaýymdastyǵy, Qaraǵandy oblysynyń ákimdigi, Qaraǵandy oblysynyń Dene shynyqtyrý jáne sport basqarmasy, «Qansonar» RQB jáne Shet aýdanynyń ákimdigi uıymdastyrǵaly otyr. 

Týrnır baǵdarlamasyna saı, búrkit, suńqar jáne qarshyǵa syndy qustar kógershinder men qoıandardy aýlaıdy, túlki mýlıajyn ustap alyp kelý jáne erkin ushý boıynsha jarysady. Sondaı-aq týrnır barysynda tazylardyń kórmesi ótedi, sodan keıin júırik ıtter 350-400 metrge jarysady jáne sońǵy synaq retinde olardyń izshildigi synalady. Tazylar túlki, qoıan jáne borsyqty izdep tabýy kerek. 

Jarys jeńimpazdaryn aqshalaı syılyqtar, medaldar jáne kýboktar kútip tur.

 

Qaraǵandy oblysy

 

Sońǵy jańalyqtar

Kabýlda jarylys boldy

Oqıǵa • Búgin, 17:08

Otandyq fılmderdiń úlesi artady

Qazaqstan • Búgin, 16:20

Almatyda baqylaý kúsheıtildi

Koronavırýs • Búgin, 14:08

Aqsha emes, abyroı qymbat

Boks • Búgin, 13:04

Kúrshim ózeni de lastana bastady

Ekologııa • Búgin, 12:38

Tiliksiz ota jasaldy

Medısına • Búgin, 12:20

Uqsas jańalyqtar