• 29 Mamyr, 2013

Qazaqstan Respýblıkasy Úkimetiniń qaýlysy № 137

673 ret

kórsetildi

10 mın

oqý úshin

Egemen Qazaqstan

Qazaqstan Respýblıkasy Úkimetiniń qaýlysy № 137

Sársenbi, 29 mamyr 2013 1:00

2013 jylǵy 15 aqpan, Astana, Úkimet Úıi

«Jolaýshylardy, bagajdy jáne júkterdi áýe kóligimen tasymaldaý qaǵıdalaryn bekitý týraly» Qazaqstan Respýblıkasy Úkimetiniń 2011 jylǵy 13 jeltoqsandaǵy № 1522 qaýlysyna tolyqtyrýlar engizý týraly

Qazaqstan Respýblıkasynyń Úkimeti qaýly etedi:
1. «Jolaýshylardy, bagajdy jáne júkterdi áýe kóligimen tasymaldaý qaǵıdalaryn bekitý týraly» Qazaqstan Respýblıkasy Úkimetiniń 2011 jylǵy 13 jeltoqsandaǵy № 1522 qaýlysyna (Qazaqstan Respýblıkasynyń PÚAJ-y, 2012 j., № 8, 153-qujat) mynadaı tolyqtyrýlar engizilsin:
kórsetilgen qaýlymen bekitilgen Jolaýshylardy, bagajdy jáne júkterdi áýe kóligimen tasymaldaý qaǵıdalarynda:

Sársenbi, 29 mamyr 2013 1:00

2013 jylǵy 15 aqpan, Astana, Úkimet Úıi

3-tarmaqta:
mynadaı mazmundaǵy 48), 49), 50), 51), 52), 53), 54), 55) jáne 56) tarmaqshalarmen tolyqtyrylsyn:
«48) qyzmet (qyzmet kórsetý túri) – paıdalanýshy (tasymaldaýshy) men jolaýshynyń ózara is-qımyly jáne jolaýshynyń qajettiligin qanaǵattandyrý boıynsha paıdalanýshy qyzmetiniń nátıjesi;
49) jolaýshylarǵa qyzmet kórsetý – jolaýshylardyń áýe tasymalyn resimdeýge jáne júzege asyrýǵa jáne olarǵa qajettilikterin qanaǵattandyrýǵa baǵyttalǵan qyzmetterdiń mindetti assortımentin usynýǵa baılanysty rásimderdi oryndaý jónindegi paıdalanýshynyń qyzmeti;
50) qyzmet kórsetý klasy – jaılylyq deńgeıi jáne áýe tasymalynyń tarıfine sáıkes jolaýshylarǵa usynylatyn qyzmetterdiń kólemi;
51) áýe kemesiniń bortyndaǵy jaılylyq – jolaýshylarǵa belgili bir fızıkalyq-gıgıenalyq jaǵdaı jáne bortserikterdiń olarǵa qyzmet kórsetý qolaılylyǵyn jasaýǵa arnalǵan, jolaýshylar kabınasynyń jaıǵastyrylýyna, ıntererine jáne qajetti jabdyqtarmen jáne tirshilikti qamtamasyz etý júıelerimen (elektr, ottegi, avarııalyq-qutqarý júıesi, sýmen jabdyqtaý, káriz, qysymdy, gaz quramyn jáne aýany baptaýdy retteý) jaraqtandyrylýyna baılanysty turmystyq jaǵdaılar, qolaılylyqtar jáne klımat jıyntyǵy;
52) jolaýshylar kabınasy – áýe kemesi fıýzelıajynyń tıisti jabdyqtarmen jaraqtalǵan, jolaýshylar men bortserikterdi ornalastyrýǵa arnalǵan jolaýshylar salondarynan, turmystyq jáne qosymsha úı-jaılar jıyntyǵynan turatyn bóligi;
53) jolaýshylar salony – áýe kemesi jolaýshylar kabınasynyń jolaýshylar kreslolarymen jabdyqtalǵan jáne jolaýshylardy ornalastyrýǵa arnalǵan bóligi;
54) turmystyq úı-jaı – áýe kemesi jolaýshylar kabınasynyń turmystyq jabdyqtarmen jaraqtalǵan jáne býfetti, ashana men dárethanalardy qamtıtyn bóligi;
55) jeke qyzmet kórsetý – jolaýshylarǵa ushaqqa otyrǵan sátinen bastap jáne olardyń mejeli pýnktke kelgen sátine deıin tilektestik jaǵdaı, psıhologııalyq jaılylyq jasaý;
56) qosalqy úı-jaılar – áýe kemesi jolaýshylar kabınasynyń qosalqy jabdyqtarmen jaraqtalǵan, vestıbıýldi, garderobty, bagajdyq jáne qyzmettik úı-jaılardy qamtıtyn bóligi.»;
mynadaı mazmundaǵy 2-1-taraýmen tolyqtyrylsyn:
«2-1. Áýe kemesiniń bortynda qyzmet kórsetý tártibi
38-1. Tasymaldaýshy áýe kemeleriniń bortynda jolaýshylarǵa osy Qaǵıdalarǵa qosymshaǵa sáıkes qyzmetter kórsetý tizbesin usynady.
Tasymaldaýshy jolaýshylardyń qajettilikterin, suranystaryn jáne tehnıkalyq múmkindikterin zerdeleý negizinde qyzmetter kórsetý assortımentin keńeıtedi.
38-2. Áýe kemesiniń bortynda jolaýshylarǵa qyzmet kórsetý:
1) áýe kemesiniń bortynda jasalatyn jaılylyq deńgeıiniń jolaýshylardyń qajettilikterine sáıkestigimen;
2) ushýda jolaýshylarǵa usynylatyn qyzmetterdiń mindetti assortımentimen aıqyndalady.
38-3. Áýe kemesiniń bortynda jolaýshylarǵa qyzmet kórsetý jaǵdaıy men deńgeıi:
1) jolaýshylar salonynyń jabdyǵymen jáne ıntererimen;
2) jolaýshylardyń qaýipsizdigin, salondaǵy qorshaǵan ortanyń jaı-kúıi men jaılylyqty qamtamasyz etetin tehnıkalyq quraldarmen jáne júıelermen;
3) jolaýshylar kabınasynyń sanıtarııalyq-gıgıenalyq jaı-kúıimen, aqaýsyzdyǵymen jáne qajetti jabdyqpen, múkámmal jınaǵymen jáne jolaýshylarǵa qyzmet kórsetý quraldarymen jasaqtalýymen;
4) óndirýshi kózdegen áýe kemeleri úlgilerinde balalardyń besikterin ornatý múmkindigimen balasy bar jolaýshylarǵa arnalǵan oryndardyń bolýymen;
5) óndirýshi kózdegen áýe kemeleri úlgilerinde zembildegi naýqastardy jáne múgedekterdi ornalastyrý múmkindigimen;
6) jolaýshylar úshin jeke paıdalaný quraldarymen (jeke jaryqtandyrý, jeldetkish, tamaqtanýǵa arnalǵan ústel, baılamaly qaýipsizdik beldikteriniń júıesi, qutqarý keýdesheleri, ottegi nemese tútinnen qorǵaý maskalary);
7) syrtqy kıimdi ornalastyrý úshin garderobtardyń bolýymen qamtamasyz etilýge tıis.
38-4. Múmkindikteri shekteýli jolaýshylarǵa qyzmet kórsetý kezinde bortserikter ushýda ornalastyrýdy, aqparattyq qyzmet kórsetýdi, avıasııalyq qaýipsizdik qaǵıdalaryn oryndaý boıynsha kómek kórsetýdi, tamaqtandyrý qyzmetin kórsetýdi, alǵashqy medısınalyq kómek kórsetýdi qosa alǵanda, áýe kemesiniń bortynda kommýnıkasııa jáne qaýipsiz kómek kórsetý boıynsha praktıkalyq daǵdylardy meńgerýge tıis.
Múmkindikteri shekteýli jolaýshylardy tasymaldaý kezinde tirkeý boıynsha tıisti rásimder júrgizilgennen keıin avıakompanııa (áýejaı) ókili olardy áýe kemesine (nen) alyp júredi.
Múmkindikteri shekteýli jolaýshylardy jáne alyp júretin adamdardy áýe kemesiniń bortyna otyrǵyzý jolaýshylardyń negizgi bóligin otyrǵyzý jarııalanǵanǵa deıin birinshi kezekte jáne áýe kemesinen túsirý sońǵy kezekte júrgiziledi.
38-5. Tasymaldaýshy árbir ushýdyń aldynda mynalardy:
1) áýe kemesiniń jolaýshylar salondaryndaǵy tazalyqty;
2) dárethanalyq bólmelerdiń tazalyǵyn jáne gıgıenalyq quraldarmen jasaqtalýyn;
3) jolaýshylar kreslolary men bagaj sóreleriniń aqaýsyzdyǵyn;
4) stasıonarlyq jáne almaly-salmaly jabdyqtarmen, qyzmet kórsetý quraldarymen jáne jumsaq múkámmalmen jınaqtalýyn jáne olardyń jaramdylyǵyn;
5) jolaýshylar salonyn jylytýdy /salqyndatýdy qamtamasyz etedi.
38-6. Tasymaldaýshy búkil ushý boıynda mynalardy:
1) óndirýshi kózdegen áýe kemesi úlgilerindegi býfet-ashana men dárethanalarǵa sýyq jáne ystyq sý berýdi;
2) salondarda +18 gradýstan tómen emes jáne +25 gradýstan joǵary emes aýa temperatýrasyn;
3) jolaýshylar salonyndaǵy tazalyq pen tártipti;
4) áýe kemesiniń bortynda jolaýshylardyń ózin-ózi ustaý qaǵıdalaryn saqtaýyn turaqty baqylaýdy qamtamasyz etedi.
38-7. Habardar etý jolaýshymen tikeleı qarym-qatynas jasaý kezinde nemese daýys zoraıtqysh baılanysy boıynsha júzege asyrylady.
38-8. Azyq-túlik ónimderimen qamtamasyz etý ónimderdi saqtaý merzimderin qatań saqtaýdy eskere otyryp, júzege asyrylady.
38-9. Tasymaldaýshy ushýdyń uzaqtyǵy men baǵytyn eskere otyryp, ushaqqa gazetterdi, jýrnaldardy daıyndaý men jetkizýdi qamtamasyz etedi.
38-10. Mýzykalyq baǵdarlamalardy túngi ýaqytta jeke qulaqshalar arqyly ǵana (jolaýshylar demalyp jatqan kezde) translıasııalaýǵa bolady.
Osy Qaǵıdalarǵa qosymshada kórsetilgen qyzmet kórsetýdiń barlyq túrleri ushý qaýipsizdigine nuqsan keltirilmeı usynylýy tıis.
38-11. Tasymaldaýshy jolaýshynyń talap etýi boıynsha áýe kemesiniń bortynda qyzmet kórsetý sapasy boıynsha tilek-aryz jýrnalyn berýdi qamtamasyz etedi.»;
mynadaı mazmundaǵy 124-tarmaqpen tolyqtyrylsyn:
«124. Halyqaralyq avıamarshrýttardy oryndaıtyn tasymaldaýshy mejeli jáne jóneltý pýnktterinde jolaýshylarǵa memlekettik tilde aqparattyq-anyqtamalyq qyzmet kórsetýdi qamtamasyz etedi. Qosymsha basqa tilderdi paıdalanýǵa jol beriledi.»;
kórsetilgen qaǵıdalar osy qaýlyǵa qosymshaǵa sáıkes qosymshamen tolyqtyrylsyn.
2. Osy qaýly alǵashqy resmı jarııalanǵanynan keıin kúntizbelik jıyrma bir kún ótken soń qoldanysqa engiziledi.

Qazaqstan Respýblıkasynyń Premer-Mınıstri S.AHMETOV.

Qazaqstan Respýblıkasy Úkimetiniń
2013 jylǵy 15 aqpandaǵy № 137 qaýlysyna qosymsha

Jolaýshylardy, bagajdy jáne júkterdi áýe kóligimen tasymaldaý qaǵıdalaryna qosymsha

Áýe kemesiniń bortynda jolaýshylarǵa usynylatyn qyzmetter tizbesi
1. Aqparattyq-anyqtamalyq qyzmet kórsetý – áýe kemesiniń bortynda ózin-ózi ustaý qaǵıdalary, kórsetiletin qyzmetter, ushý jáne avarııalyq-qutqarý jabdyqtaryn paıdalaný sharttary týraly jolaýshylardy qazaq, orys jáne aǵylshyn tilderinde ýaqtyly jáne durys habardar etý. Aqparattar negizgi jáne qosymsha túrlerge bólinedi:
1) aqparattyń negizgi túrleri:
sálemdesý;
ushýda qaýipsizdikti qamtamasyz etý jóninde;
temeki tartýǵa tyıym salý týraly;
ushaqtyń jabdyqtary týraly;
ushýda usynylatyn qyzmetter týraly;
ushý marshrýty boıynsha tamaqtaný týraly;
bıiktik alý men tómendeý jáne qoný pýnkti týraly;
áýe kemesi mejelengen áýejaıǵa qonǵannan keıin;
qoný pýnktindegi aýa-raıy týraly;
2) aqparattyń qosymsha túrleri (qajettilik týyndaǵan kezde):
ushý josparynyń ózgergeni týraly;
ushý baǵytynyń ózgergeni týraly;
reıstiń kidirisi týraly;
májbúrli qoný týraly;
ushyp shyqqan pýnktke qaıta oralý týraly;
qosalqy áýeaılaqqa qoný týraly;
avarııalyq jaǵdaı, qoný týraly;
mejeli pýnktke keshigip barý týraly;
týrbýlenttik aımaǵynda ushý týraly;
quttyqtaý.
2. Jeke qyzmet kórsetý:
1) búkil ushý kezinde árbir jolaýshyǵa qyzmet kórsetý;
2) naýqas, múgedek, egde adamdarǵa jáne balasy bar jolaýshylarǵa erekshe kóńil bólý;
3) jeke jaryqtandyrýdy jáne jeldetkishti qosý;
4) jolaýshylardyń suraqtaryna jaýap berý;
5) bala besikterin ornatý jáne jabdyqtaý (óndirýshi kózdegen áýe kemesi úlgilerinde);
6) alyp júrýshisi joq balalarǵa qyzmet kórsetý.
3. Medısınalyq kómek kórsetý, borttyq medısınalyq qobdıshadaǵy medısınalyq quraldarmen jáne preparattarmen dárigerge deıingi alǵashqy járdem kórsetý.
4. Jolaýshylardy ushýda jumsaq múkámmalmen qamtamasyz etý.
5. Jolaýshylarǵa merzimdi basylymdardy usyný (gazetter, jýrnaldar).
6. Mýltımedıalyq qyzmetterdi, onyń ishinde mýzykalyq baǵdarlamalardy memlekettik, orys jáne basqa tilderde (tıisti jabdyq bolsa) usyný.
7. Áýe kemesiniń úlgisine jáne avıamarshrýttyń uzaqtyǵyna baılanysty salqyndatylǵan sýsyndardy, azyq-túlik ónimderin usyný.