Oıyndaǵy esepti birinshi bolyp qonaq komanda ashqanymen, elordalyqtar birden match tizginin óz qoldaryna aldy. Nátıjesinde birinshi kezeńinde jerlesterimiz 28:17 esebimen alǵa shyqty. Ekinshi kezeńde «Smokı-Mınsk» oıynshylary namysqa tyrysyp, taraz basyn ózderine qaraı aýdarýǵa nıetti bolǵan. Biraq «Astana» komandasy jınaqy oıyn kórsetip, bul joly da 23:21 esebimen basym tústi.
Qalǵan eki kezeńde qonaq komandanyń mereıi ústem bolady. Bizdiń basketboshylar sharshap qaldy ma, álde eki kezeńnen soń jeńiske jetetinine senimdi boldy ma, áıteýir oıyndary báseńdep qaldy. «Smokı-Mınsk» úshinshi kezeńde 23:29 esebimen, sheshýshi kezeńde 17:22 nátıjesimen alǵa shyqty. Biraq tórt kezeńniń qorytyndysy boıynsha, «Astana» 91-89 esebimen jeńiske jetti. Aıta keteıik, elordalyqtar ótken týrda Reseıdiń «Zenıt» komandasynan 109:108 esebimen aılasyn asyrǵan bolatyn.
