Dostyq úıi shańyraǵynda ótken Ázerbaıjan etnomádenı birlestiginiń mádenıeti men dástúrleri kúnimen quttyqtaǵan QHA Tóraǵasynyń orynbasary – Hatshylyq meńgerýshisi Janseıit Túımebaev:
«Qazaqstanda 110 myńnan astam ázerbaıjandar turady. Olardyń basym kópshiligi elimizdiń ońtústiginde – Túrkistan, Almaty, Jambyl oblystary men Almaty jáne Shymkent qalalaryn meken etedi» deı kele, ázerbaıjandardyń Qazaqstanǵa qonys aýdarý tarıhy jaıly da aıtyp ótti.
Ázerbaıjan etnosy Qazaqstanda turatyn halyqtardyń sany boıynsha 10-orynda. Almatynyń ózinde 10 myńǵa jýyq ázerbaıjan turady.
«1992 jyly Qazaqstanda «Turan» tuńǵysh ázerbaıjan mádenıet ortalyǵy qurylǵan bolatyn. 2007 jyly «Ázerbaıjandar qaýymdastyǵy» respýblıkalyq qoǵamdyq birlestigi quryldy. Jalpy búgingi kúni elimizde 32 ázerbaıjan etnomádenı birlestigi jumys atqarýda. Ázerbaıjan tilinde «Vatan» gazeti jaryq kórdi. Memlekettik til men ázerbaıjan tilin úıretetin, salt-dástúr, ádet-ǵuryp, mýzyka jáne bı úırený kýrstary jumys isteıdi. «Bahar» bıshiler toby, ulttyq-aspap jáne folklorlyq ujymdar qurylǵan», degen Janseıit Túımebaev, qyzyqty málimetterge toly baıandamasy barysynda Qazaqstandaǵy maqtan tutar, ótken júzjyldyq pen qazirgi kezeńde tanymal bolǵan ázerbaıjandar jaıly aıtyp ótti.
«Abılfas Hamedovtyń jetekshiligimen Ázerbaıjandar qaýymdastyǵynyń músheleri etnosaralyq qarym-qatynasty nyǵaıtýǵa yqpal etip, elimizdiń qoǵamdyq-mádenı ómirine úles qosyp otyr» degen Janseıit Túımebaev, atalǵan sharanyń ótýine uıytqy bolyp, óz úlesin qosqan «Ázerbaıjan qaýymdastyǵy» respýblıkalyq qoǵamdyq birlestiginiń tóraǵasy Abılfas Hamedovke jáne barlyq uıymdastyrýshylarǵa alǵysyn bildirdi.
Festıval aıasynda «Halyqtyń birligi – eldiń kúshi» taqyrybynda dóńgelek ústel, qoldanbaly óner kórmesi, «Kitap – halyqtyń jan dúnıesin bilýdiń kilti» atty kitap kórmesi, shyǵarmashylyq ujymdardyń konserti, sondaı-aq «Dostyq dastarqany» atty ázerbaıjandardyń ulttyq ashanasy taǵamdarynyń kórmesi uıymdastyryldy.
Sharanyń maqsaty – «Rýhanı jańǵyrý» baǵdarlamasyn júzege asyra otyryp, qoǵamdyq kelisim men jalpyulttyq birlikti nyǵaıtý; qazaqstandyq etnos ókilderiniń mádenıetin nasıhattap, azamattyq birtektilik qalyptastyrý; qazaqstandyq baýyrlas halyqtar arasynda áriptestik baılanys ornatyp, dostyq qarym-qatynastardy arttyrý.
