Esterińizge sala keteıik, bul jarys 18-24 qarasha aralyǵynda Madrıdte ótedi. Baıraqty básekede Aleksandr Býblık, Mıhaıl Kýkýshkın, Aleksandr Nedovesov jáne Andreı Golýbev syndy sańlaqtar Qazaqstannyń namysyn qorǵaıdy.
Devıs kýbogy jolyndaǵy jarysta alty topqa bólingen 18 komandanyń arasynan úzdik shyqqan segizi shırek fınalǵa joldama alady. Ispanııanyń astanasynda Qazaqstannyń tennısshileri toptyq týrnırde Gollandııa men Ulybrıtanııa quramalaryna qarsy oınaıdy.