28 jastaǵy fýtbolshy Ýkraınanyń Jıtomır qalasynda dúnıege kelgen. Onyń anasy sol eldiń týmasy, al ákesi – nıgerııalyq. Ár jyldary Aderınsola Eseola Ýkraınanyń tanymal komandalary jáne Italııanyń úshinshi-tórtinshi deńgeıli klýbtarynda óner kórsetti.
2018 jyly Oraldyń «Aqjaıyq» klýbyna aýysyp, 13 matchta qarsylastar qaqpasyn segiz márte dál kózdedi. Sol maýsymda «Qaırattyń» jeıdesin kıdi. Sol aralyqta 54 ret jasyl alańǵa shyǵyp, 33 dopty torda týlatty.
Almatylyq komandamen birge Eseola Qazaqstan kýbogynyń ıegeri jáne el birinshiliginiń eki dúrkin kúmis júldegeri atandy. Bıyl Premer-lıganyń eń mergen oıynshysy degen mártebeli ataqqa ıe boldy. Sonymen qatar ol 2007 jyly Ýkraınanyń jasóspirimder quramasy (U-17) sapynda tórt oıyn ótkizdi.
