Jıyn barysynda eldegi traktorlar parkiniń 85 paıyzyn jáne kombaındar parkiniń 68 paıyzyn paıdalaný merzimi 10 jyldan asyp ketken tehnıkalar quraıtyny aıtyldy. Jalpy, aýyl sharýashylyǵy tehnıkasynyń barlyq parkiniń ortasha tozý deńgeıi 76 paıyzdy qurap otyr.
«2014 jyldan bastap memleket aýyl sharýashylyǵy tehnıkasy parkin jańartý úshin túrli sharalar qabyldaýda. Agroónerkásiptik keshendi damytýdyń 2017-2021 jyldarǵa arnalǵan memlekettik baǵdarlamasynda Aýyl sharýashylyǵy taýar óndirýshileriniń ınvestısııalyq shyǵyndaryn jáne aýyl sharýashylyǵy tehnıkasy men jabdyqtaryn lızıngke satyp alý kezindegi paıyzdyq mólsherlemelerin sýbsıdııalaý, sondaı-aq «QazAgro» UBH» AQ jelisi boıynsha kredıt jáne lızıng júıleri qarastyrylǵan. Alaıda eski traktorlar men kombaındardyń úlesi azaıǵan joq, kerisinshe, ósip otyr», dedi mınıstr Saparhan Omarov.
О́simdik sharýashylyǵy ónimderin óndirý jáne qaıta óńdeý departamentiniń dırektory Azat Sultanov, 2018 jyly aýyl sharýashylyǵy tehnıkasyn jańartýdyń ortasha deńgeıi 3,5 paıyzdy quraǵanyn, 1 jyl buryn bul kórsetkish eki ese az bolǵanyn túsindirdi. Onyń aıtýynsha, bul jetkiliksiz, sebebi ońtaıly deńgeı 10 paıyzdy quraý qajet. Aýyl sharýashylyǵy tehnıkasyn jańartý agroónerkásipterdiń qarjylyq jaǵdaılarymen, sondaı-aq joǵary lokalızasııaǵa saı otandyq mashına óndirisiniń damymaǵandyǵynyń saldarynan tejelýde.
Sonymen qatar mınıstrlikte atap ótkendeı, búgingi tańda respýblıkada 147 myń traktor, 38 myńnan astam kombaın, 4 myńǵa jýyq egistik kesheni, 78 myń tuqym sepkish jáne 300 myń birlik mal azyǵyn daıyndaý jáne topyraq óńdeý tehnıkalary paıdalanylýda. Tehnıkalardyń eskirgendikten jıym-terim maýsymynyń merzimi 2 esege sozylady. Iаǵnı shyqqan egistik ónimderiniń tómendeýine, janar-jaǵarmaı jáne t. b. shyǵyndardyń kóbeıýine ákelip soǵady.
Jıyn qorytyndysy boıynsha QR Aýyl sharýashylyǵy mınıstri Saparhan Omarov elimizdegi barlyq aýyl sharýashylyǵy tehnıkalaryna túgendeý júrgizýdi tapsyrdy. Al, oblys ákimdikterine eskirgen tehnıkalardy ýaqytyly esepten shyǵarý jáne jańartýdy qamtamasyz etý qajettiligi aıtyldy.
