Bıyl 1 qyrkúıekte bastalǵan Qaraǵandy oblysyndaǵy MÁMS pılottyń negizgi maqsattary – medısınalyq qyzmetti alýshylardyń «saqtandyrylý» statýsyn sáıkestendirý, tegin medısınalyq kómektiń kólemindegi jáne medısınalyq saqtandyrý júıesindegi qyzmetterdi jeke-jeke esepke alý, 2020 jyldan bastap MÁMS júıesin tolyǵymen engizý maqsatynda daıyndyq jumystaryn júrgizý.
Pılotty iske asyrý úshin bıýdjetten qosymsha 2,3 mlrd teńge bólindi, sonyń ishinde profılaktıkalyq qarap-tekserýmen konsýltasııalyq-dıagnostıkalyq qyzmetterdiń qoljetimdiligin joǵarylatýǵa 1,7 mlrd teńge jáne medısınalyq ońaltýdy keńeıtýge 600 mln teńgege jýyq qarajat bólindi.
Pılot sheńberinde 5 negizgi baǵyt boıynsha jobalyq toptar quryldy: normatıvtik-quqyqtyq aktilerdi ázirleý, sıfrlandyrý, medısınalyq qyzmetterdi satyp alý jáne oǵan tólem júrgizý, tólemderdiń turaqty júrgizilýin qamtamasyz etý, aqparattyq-túsindirý jumystary.
«MÁMS júıesin tıimdi engizýdiń negizgi máseleleriniń biri – júıege el turǵyndarynyń barlyǵyn tartý. Búginde elimiz boıynsha turǵyndardyń 97%-nyń áleýmettik statýsy anyqtaldy, Qaraǵandy oblysynda – 98%. Qaraǵandy oblysynda taǵy 32 myń adamnyń stastýsyn jańartý kerek. Jalpy, elimiz boıynsha 593 myń adamnyń statýsy jańartylýy tıis», — dedi E. Birtanov.
Búginde boljamdy saqtandyrylmaǵan azamattar derbes tóleýshi retinde júıege qatysa alady.
Aqparattyq júıelerdiń ázirligi boıynsha, Qaraǵandy oblysynda daıyndyq jumystary tolyq aıaqtaldy. Qaraǵandy oblysynda eki aqparattyq júıe jumys isteıdi. Onyń biri aýrýhanalar men emhanalarǵa arnalsa, ekinshisi jedel medısınalyq járdem qyzmetine arnalǵan.
«Pılot aıasynda Qaraǵandy oblysynda konsýltasııalyq-dıagnostıkalyq qyzmetterdiń qoljetimdiligi edáýir artty. Mysaly, kompıýterlik tomografııa qyzmetteriniń qoljetimdiligi 78%-ǵa, medısınalyq ońaltý qyzmetteriniń qoljetimdiligi 73%-ǵa jáne konsýltasııalyq-dıagnostıkalyq kómek qyzmetteriniń qoljetimdiligi 42%-ǵa ulǵaıdy. Jalpy, turǵyndar úshin medısınalyq qyzmetterdiń qoljetimdiligi artýda», — dedi E. Birtanov.
Qaraǵandy oblysynda júrgizilip jatqan pılot kórsetkishteri boıynsha normatıvtik-quqyqtyq aktiler engizildi. Sıfrlandyrý boıynsha 100% kiriktirildi. Medısınalyq qyzmetterdi satyp alý boıynsha Medısınalyq saqtandyrý qory bul baǵyttaǵy jumystardy aıaqtaýda. 1-31 jeltoqsan aralyǵynda Qor irikteý jáne tegin medısınalyq kómektiń kepildendirilgen kólemi jáne MÁMS paketteri boıynsha medısınalyq qyzmetterge kelisimshart jasaý rásimderin ótkizedi. Sonymen qatar tólemderdiń turaqtylyǵyn qamtamasyz etý jumystary júrgizilýde.
Sonymen qatar turǵyndar arasynda aqparattyq-túsindirý jumystaryn kúsheıtý jumystary júrgizilýde, jyl sońyna deıin jospardyń 100% oryndalýy qamtamasyz etiledi.
«Jalpy, Qaraǵandy oblysynda pılottyq joba joǵary deńgeıde júrgizildi dep aıtýǵa bolady. Elimizde MÁMS engizýge daıyndyq jumystary jalǵasýda», — dedi densaýlyq saqtaý mınıstri.
Qaraǵandy oblysynyń ákimi Jeńis Qasymbek óńirde pılotty júrgizý aıasynda sıfrlyq ınfraqurylym boıynsha aýqymdy jumystar atqarylǵanyn atap ótti. О́ńirdegi barlyq medısına uıymdary bir sıfrlyq alańǵa birikti jáne respýblıkalyq aqparattyq júıelermen kiriktirildi. Emhanaǵa bekitilgen árbir azamat úshin elektrondy densaýlyq pasporty jasaldy. Aýyldyq eldi mekenderde medısına uıymdaryn memlekettik-jekeshelik áriptestik esebinen ınternet jelisine 100% qosý jumystary júrgizilip jatyr. J. Qasymbek Qaraǵandy oblysynyń aýmaǵynda MÁMS engizý boıynsha pılotty júrgizýdiń alǵashqy nátıjeleri turǵyndar úshin sapaly ári ýaqytyly medısınalyq kómektiń basymdyǵyn dáleldeıtini aıtty.
MÁMS engizilýimen 1 saqtandyrylǵan adamǵa jumsalatyn shyǵyndar 57%-ǵa artady.
Búgingi kúni MÁMS júıesine tólemder ekinshi deńgeıli 25 bank arqyly, onyń ishinde 7 ınternet bankıng portaly arqyly júzege asyrylady. 2019 jyldyń 15 jeltoqsanynan bastap barlyq medısınalyq uıymdarda ózine-ózi qyzmet kórsetý termınaldary ornatylady.
«Áleýmettik medısınalyq saqtandyrý qory» KEAQ basqarma tóraǵasy Aıbatyr Jumaǵulov Qordyń MÁMS engizýge ázirligi týraly baıandaı otyryp, júıeniń ınstıtýsıonaldyq negizderi men qaǵıdalaryn qalyptastyrý jumystary 2015 jyly bastalǵanyn atap ótti. Búginde medısınalyq qyzmetterdiń áleýetti jetkizýshileriniń bazasy jasalǵan. Bul tizimge 1940 medısına uıymy kirdi. Onyń ishinde 60% — jekemenshik. Sonymen qatar, Qor tegin medısınalyq kómek pen mindetti medısınalyq saqtandyrý aıasynda 2020 jylǵa arnalǵan Medısınalyq qyzmetterdi satyp alý josparyn jasaý jumystaryn aıaqtady.
Premer-Mınıstrdiń orynbasary B. Saparbaev óz kezeginde mindetti áleýmettik medısınalyq saqtandyrýdy engizý máselesinde jumys berýshilerdiń qarajatty ýaqytyly aýdarýyna erekshe kóńil bólý kerektigin aıtty.
E.Birtanov MÁMS júıesin engizý keıbir medısınalyq qyzmetterdiń qoljetimdiligin 7 esege arttyratynyn atap ótti.
Tarıfterdiń ósýi 10%-dan 20%-ǵa deıin quraıdy. Bul medısına qyzmetkerleriniń jalaqysyn 30%-ǵa arttyrýǵa múmkindik beredi. Medısınalyq tehnıkamen jaraqtandyrylý deńgeıi 70%-dan 73%-ǵa deıin artady. MÁMS engizý qazirgi kezdegi «qalta» shyǵyndaryn 2020 jyly 30%-ǵa, al 2025 jylǵa qaraı shamamen 2 esege tómendetýge múmkindik beredi.
Jalpy, MÁMS engizýge ázirliktiń joǵary deńgeıin atap ótken jón.
