Otyz jyldyq mereıtoıdyń saltanatty sharasy Jastar saraıynda ótti. Onda mýzeı jádigerleriniń kórmesi uıymdastyrylyp, onyń jumysy jaıly fılm kórsetildi. Mereıtoımen quttyqtaýǵa astanadan jáne Almaty oblysynan áriptester keldi. Respýblıkalyq IIM mýzeıiniń meńgerýshisi Almagúl Satmaǵambetova jastarǵa mýzeıdiń polısııa qyzmetkerlerin qazaqstandyq patrıotızm, antyna jáne qyzmettik paryzyna degen senim rýhynda tárbıeleýdegi róli jaıly aıtyp ketti. «Mundaǵy árbir jádiger – bir adamnyń ǵana emes, tutas dáýirdiń taǵdyry, árqaısysy el tarıhynda óz batyrlarynyń esimin qaldyrady», - dedi qonaq.
SQO ákimdiginiń Mádenıet, muraǵattar jáne qujattama basqarmasynyń basshysy Quralbek Atamuratov IIO ardagerleri jáne polısııa qyzmetkerlerine oblys ákimi Qumar Aqsaqalovtyń quttyqtaýyn oqyp, «Mýzeı úsh ǵasyrlyq tarıhy bar qoıma ǵana emes, tájirıbemen, bilimmen jáne qalyptasqan dástúrler, rýhanı qundylyqtarmen almasatyn baǵa jetpes orda» dedi. О́ńirlik Polısııa departamentiniń bastyǵy, polısııa polkovnıgi Marat Tólebaev: «Jas qyzmetkerlerge rýhanı-patrıottyq tárbıe berýdegi mýzeıdiń róli orasan zor. Antyna adal bolýdyń, Otanǵa tynymsyz qyzmet etýdiń, erliktiń, batyldyqtyń úlgileri tártip saqshylaryn jigerlendirip keledi. Alǵashqy pogondardy tabystaý, ant qabyldaý sııaqty tárbıelik máni zor is-sharalar vedomstvolyq mýzeıde saltanatty túrde ótkiziledi», - dep atap ótti.
Salatanatty shara barysynda mýzeıdiń meńgerýshisi, otstavkadaǵy mılısııa podpolkovnıgi Lıýbov Osınskaıaǵa jáne mýzeı qyzmetkeri, otstavkadaǵy mılısııa podpolkovnıgi Nına Bengrafqa alǵys hat pen tós belgiler tabystaldy.
