«Elimizdiń jetekshi basylymy, qazaq baspasóziniń qara shańyraǵy - «Egemen Qazaqstan» gazetiniń 100 jyldyq mereıtoıy qutty bolsyn! Bir ǵasyr buryn «Ushqyn» degen atpen shyǵa bastap, ýaqyt óte ulttyq basylymǵa aınalǵan Táýelsiz Qazaqstannyń aǵa gazeti óz paraqtarynda tarıh taǵylymyn dáýir únimen, ýaqyt synymen beınelep, keshegi men búginniń arasyn jalǵap keledi. Jańalyqty jurtshylyqqa jedel ári shynaıy túrde jetkizip, egemen elimizdiń memlekettik saıasatyn qalyń oqyrman arasynda baıypty nasıhattap, el shejiresin qaǵazǵa hattaǵan baıyrǵy basylymnyń bedeli árdaıym bıik», dep atap ótedi Tuńǵysh Prezıdent.
Elbasy quttyqtaý hatynda ult múddesi jolynda eńbek etken talaı tuǵyrly tulǵalar basshylyq jasap, alyptar negizin salǵan dástúrdi abyroımen jalǵastyrǵan «Egemen Qazaqstan» qazirgi zaman talabyna saı jańǵyryp, ǵasyrlyq týyn jańa jetistiktermen, tolaıym tabystarmen qarsy alyp otyrǵandyǵyna basa nazar aýdarady.
«Jetekshi baspasóz quralynda eńbek etip júrgen qalam ıeleri joǵary kásibı deńgeıimen tabylyp, basylym aldaǵy ýaqytta da halqymyzdyń murat-maqsaty men qoǵam damýyna laıyqty úlesin qosa beredi dep senemin»,- degen Nursultan Nazarbaev basylym ujymyna zor densaýlyq, shyǵarmashylyq tabystar tiledi.
