«Búginde kóp beıindi ýnıversıtettiń barlyǵy muǵalimderdi daıarlaıdy. Alaıda olardyń sapasy syn kótermeıtindikten, qoıylatyn talaptardy kúsheıtý arqyly muǵalimderdi daıarlaıtyn JOO sanyn 85-ten 20-25-ke deıin qysqartý josparlanyp otyr. Olar basqa baǵyttar boıynsha mamandar daıarlaı beredi, al pedagogıka boıynsha lısenzııalary qaıtarylyp alynýy múmkin. Shamamen alǵanda, ár aımaqta muǵalimderdi daıarlaıtyn 1 myqty JOO jáne Almatyda birneshe oqý orny bolmaq», dep jazdy Ashat Aımaǵambetov.
Budan soń, mınıstr nashar sabaq úlgerimi úshin oqýdan shyǵarylǵandar jaıynda jazdy.
«Nashar sabaq úlgerimi úshin oqýdan shyǵarylǵandardyń bárin qabyldaı berý esebinen keıbir joǵary oqý ornyna 100 adam túsip, 800-ge jýyq túlek bitiretinin atap ótkim keledi. Taǵy bir jaıt, bıyl 37 myń stýdent taıaý sheteldiń JOO-da bir semestr nemese bir jyl oqyǵan soń qazaqstandyq shaǵyn JOO-na aýysyp keldi. Aqparatqa súıensek, UBT sertıfıkatynyń talap etilýin aınalyp ótý úshin talapkerler qujattaryn sheteldik JOO jiberip, bir semestr nemese bir jyldan keıin vırtýaldy túrde qazaqstandyq ýnıversıtettke aýysyp alatyn tendensııa da bar. 20-23 myńǵa deıin stýdent oqıtyn jáne olardyń kópshiligi, ádette, sabaqqa da barmaıtyn keıbir óńirlik jeke menshik JOO da bar», dep jazdy mınıstr.
Sondyqtan da mınıstrlik osyndaı jaǵdaılar men jaýapkershiligi tómen JOO qatysty qatań saıasat júrgizbek.
«Álbette, bul sharalar barlyǵyna birdeı unaı bermeıtini anyq. Degenmen, Elbasy men Memleket basshysynyń tapsyrmalaryna sáıkes, Mınıstrlik joǵary bilim berý salasynda sapany qamtamasyz etý saıasatyn odan ári jalǵastyrady», dep jazdy ol.
