Sybaılas jemqorlyqqa qarsy qyzmetimen Bilim jáne ǵylym mınıstrliginiń «Ulttyq testileý ortalyǵy» RMKK dırektory R.S.Álimqulovqa qatysty para aldy degen kúdikpen júrgizilgen sotqa deıingi tergeý aıaqtaldy.
«Ol qonaq úı qyzmetin kórsetý boıynsha sharttardy buzbaǵany, oryndalǵan jumys aktilerine kedergisiz qol qoıǵany, júgensizdikke jol bergeni jáne jalpy qamqorlyǵy úshin 5 mln teńge somasynda para aldy dep kúdiktelgen. 22 qarashada Nur-Sultan qalasynyń qylmystyq ister jónindegi mamandandyrylǵan aýdanaralyq sotynyń úkimimen Álimqulov para aldy dep aıyptalyp, 3,5 jyl bas bostandyǵynan aıyryldy. Atalǵan tulǵa memlekettik qyzmette laýazym ıelený quqyǵynan ómir boıyna aıyryldy», delingen habarlamada.
Eske salaıyq, mamyr aıynda «Ulttyq testileý ortalyǵynyń» burynǵy jáne qazirgi dırektorlary sybaılas jemqorlyq kúdigine ilingen bolatyn.
