Qonys aýdarýshylarǵa arnalǵan úılerdi aralady

Jumys sapary Qyzyljar aýdanyndaǵy eńbek kúshi mol óńir­lerden qonys aýdarý­shy­larǵa arnalǵan turǵyn úıler­di aralaýdan bastaldy. Bul úı­ler ónimdi jumyspen qamtý jáne jappaı kásipkerlikti damy­tý «Eńbek» memlekettik baǵ­dar­­lamasy aıasynda salynýda. Bıyl oblysqa 688 otbasy qo­nys aýdar­dy. 2060 adamnyń 1031-i jumysqa qabiletti jas­ta bolsa, 935-i – jetkinshek, 57-si – stýdent, 37-si – zeınetker. Oblys­tyń áleýmettik-ekonomı­kalyq damýynyń keshendi jospary negizinde 2142 úıdiń qurylysy qarastyrylǵan. 428 úı bıyl salyndy. Eki jatyn bólme, qonaq bólme jáne as úı, barlyǵy 120 sharshy metrdi quraıdy.

Berdibek Saparbaev Qyzyl­jar aýdanynyń Báıterek aýyly­nda salynǵan úılerdi ar­a­­lap, qonystanýshylarmen áńgi­­me­lesti. Úıdiń jyly ekenin aıt­qan Rýslan Nasyrov bul aýyl­ǵa mamyr aıynda áıeli jáne eki balasymen Túrkistan obly­sy Qazyǵurt aýdanynan qonys aýda­ryp kelgen eken. О́z sheshiminiń durys ekendigine kózi jetken ota­ǵasy osy aýylda turaqtap qalmaq.

«Bul óńirdiń topyraǵyn alǵash dosyma qonaqqa kelip bas­qan bolatynmyn. Meni kóshý­ge kóndirgen sol. J­u­myspen qam­tý ortalyǵyna baryp, qandaı bos jumys oryndary bar ekenin suradym. Ondaǵy mamandar bar­lyǵyn túsindirdi, sharttardy qulaǵdar etti. Birneshe jumys ornyn usynyp, tańdaýǵa múm­kindik jasady. Baspana máse­le­si ońaı sheshiletinin aıtty. Biz – jas otbasymyz. Qol jetkizý­ge tıisti josparymyz da kóp. Báıterek bizge unady. Adamdary keńpeıildi, kómek qolyn sozýǵa qashanda daıyn, – deıdi Rýslan Nasyrov.

Jańa úıler jyly, jaryq, qolaıly. Turǵyndardyń kóńili­nen shyǵyp otyr.

Jumys toby atbasyn tiregen kelesi nysan – jergilikti mektepte, Báıterek aýylynyń turǵyn­darymen kezdesý ótti. Turǵyndar aýylynyń bir orynda turmaı damyp, kórkeıip kele jatqandyǵyn aıtty. Sý, kommýnıkasııa máse­lesinde esh qıyndyq joq. Úkimet basshysynyń orynbasaryna tek balabaqshanyń jetispeıtindigin aıtyp, osy máselege qolǵabys jasaýdy ótindi.

Vıse-premer Beskól aýy­lyn­da da boldy. Aýdan ákim­­diginde jumys toby­nyń halyq­pen kezdesýi uıymdas­tyryl­dy. Eńbek jáne halyqty áleý­met­tik qorǵaý mınıstri Birjan Nurym­betov kóp balaly jáne az qam­tylǵan otbasylardy qoldaýdyń jańa tásilderi týraly egjeı-teg­jeıli aıtyp berdi.

Berdibek Saparbaev jumys to­by­nyń basty mindeti halyq­tyń ómir súrý sapasyn baǵalaý já­ne problemalyq máselelerdi she­­shýge járdemdesý dep atap kór­­setti. Ásirese bilim jáne den­saý­­­lyq saqtaý sııaqty mańyzdy áleý­­met­tik salalarǵa erekshe toqtaldy.

Petropavl