Stanıslavskıı jáne Nemırovıch Danchenko atyndaǵy akademııalyq mýzyka teatry Almatyda «Uıqydaǵy arý» qoıylymyn sahnalady.
Bul – «Álem baletiniń juldyzdary» festıvalinde dúnıejúzine tanymal ártister óner kórsetip jatqan ekinshi qoıylym.
Balet qoıylymynyń negizgi keıipkerleri Almatyǵa alǵash ret kelip otyr. Ártisterdiń sózinshe, jańa sahnada óner kórsetý árdaıym qıyn jáne úlken jaýapkershilik.
«Teatrda spektakl, zamanaýı qoıylym jáne kastıng qatar júrgizilgendikten, onyń úılesýi qıyn. Alaıda bári qyzyq, ári erekshe sezimge bóledi. Premeranyń aldynda qobaljý bolýy oryndy. Sebebi eger sen barlyǵy daıyn dep bosańsyp shyqsań, qoıylymda onyń barlyǵy kórinedi», dedi Stanıslavskıı jáne Nemırovıch-Danchenko atyndaǵy Máskeý akademııalyq mýzyka teatrynyń prıma balerınasy Oksana Kardash.
