Ulttyq ekonomıka mınıstrligi basshysynyń pikirinshe, aksızdi kóterý Qazaqstandaǵy ınflıasııaǵa aıtarlyqtaı áser etpeıdi
Benzınniń bir lıtriniń aksızi 2020 jyldyń 1 qańtarynan bastap 10 teńgege kóteriledi. Bul týraly ulttyq ekonomıka mınıstrligi habarlady.
«Aksızderdiń ósýine qatysty aıtar bolsaq, búgingi kúni qaýly jobasy ázirlenip jatyr, bir lıtrdiń aksız qunyna qosymsha 10 teńge qosylady dep josparlanýda», - dedi mınıstr Rýslan Dálenov dúısenbide Cenat otyrysynda. Ol baǵanyń azdap ósetinin aıtty. «Esepteýler jaǵdaıdyń ınflıasııaǵa nemese shaǵyn jáne orta bıznes óndirisiniń ózindik qunyna aıtarlyqtaı áser etpeıtindigin kórsetýde», dep atap ótti Dálenov.
«Búgingi kúni aksızdiń eń kóp úlesi munaı óńdeıtin jáne satatyn kompanııalardyń shyǵyndary men paıdasynan turady», - dep tolyqtyrdy ol.
Ulttyq ekonomıka mınıstrliginiń baspasóz qyzmeti jańashyldyqty 2020 jyldyń 1 qańtarynan bastap engizý josparlanyp otyrǵanyn málimdedi.
Osy ýaqytqa deıin energetıka mınıstri Qanat Bozymbaev kórshi eldermen salystyrǵanda otandyq janar-jaǵarmaıdyń quny arzan bolǵandyqtan, shekara asyp jatqanyn aıtqan edi. Sondyqtanda benzın baǵasy kezeń-kezeńimen shekaralas memlekettermen teńesetinin jetkizdi.
Esterińizge salsaq, Qazaqstanda 2 qarashadan bastap, benzın men dızeldik otyndy avtomobıl kóligimen elden shyǵarýǵa alty aıǵa shekteý engizilgen.
ALMATY
.
