Prezıdent • 26 Qarasha, 2019

Dıplomatııa salasy mańyzdy ári jaýapty jumys - Prezıdent

346 ret

kórsetildi

1 mın

oqý úshin

Elimizdegi dıplomatııalyq korpýs ókilderimen kezdesý jaqsy dástúrge aınaldy. Bul, eń aldymen, ekijaqty jáne kópjaqty yntymaqtastyqty odan ári nyǵaıtatyn mańyzdy shara. Sondyqtan osy basqosýda Qazaqstannyń damý baǵdaryna, ishki-syrtqy saıası basymdyqtaryna basa mán bergimiz keledi dedi Qasym-Jomart Toqaev Qazaqstanda akkredıttelgen shet elderdiń dıplomatııalyq mıssııalarynyń basshylarymen kezdesýinde.

Egemen Qazaqstan

Dıplomatııa salasy mańyzdy ári jaýapty jumys - Prezıdent

Memleket basshysy qazirgi tańda Nur-Sultan qalasynda 70 Elshilik jáne 30 halyqaralyq uıym ókildigi bar ekenin aıtty.

«Elimizdegi dıplomatııalyq ókildikter aldaǵy ýaqytta da kóbeıe túsedi dep úmittenemiz. Osy oraıda Belarýs jáne Ońtústik Koreıa elshilikteri jańa ǵımaratqa kóshkenin atap ótkim keledi. Elorda tórindegi jańa qonystaryńyz qutty bolsyn! Dıplomatııa salasynda kóp jyl eńbek etkendikten, bul jumystyń qanshalyqty mańyzdy ári jaýapty ekenin óte jaqsy bilemin. Memleketterimiz arasyndaǵy dostyq qatynastardy nyǵaıtýǵa qosqan úlesterińizdi joǵary baǵalaımyn» dedi Prezıdent.