Alǵashqy goldy jetinshi mınýtta Reseı sportynyń maqtanyshy, QHL-dyń talaı rekordyn jańartqan saqa oıynshy, Olımpııa oıyndarynyń jeńimpazy, álemniń eki dúrkin chempıony jáne sol jarystyń tórt dúrkin júldegeri degen dardaı ataǵy bar áıgili Sergeı Mozıakın soqqan edi.
Úzilisten keıin Pavel Akolzın tarazy basyn teńestirdi. Odan keıin esep ózgergen joq. Al qosymsha ýaqytta Lınýs Vıdell nysanany dál kózdep, qonaqtarǵa jeńis syılady. Esep – 1:2.
Resmı derekke súıensek, «Barys» 1999 jyldyń 26 qarashasynda qurylǵan eken. Iаǵnı, Nur-Sultannyń hokkeıshileri ózderiniń 20 jyldyq mereıtoıyn Magnıtogorsk qalasyndaǵy tamasha jeńisimen atap ótti.
