Tuńǵysh Prezıdent merekesi qarsańynda О́skemende úı kezeginde turǵan jetim jáne ata-ana qamqorlyǵynsyz qalǵan 20 jasqa baspana kiltteri tabys etildi. Saltanatty sharaǵa oblys ákimi Danıal Ahmetov pen qala basshysy Jaqsylyq Omar qatysyp, jıyrma otbasynyń qýanyshtaryna ortaqtasyp, jyly lebizderin jetkizdi.
«Baspana – baqyttyń bastaýy. Barshańyzdy quttyqtaımyn. Jaqyn ýaqytta 600 páterli 4 turǵyn úıdiń qurylysy aıaqtalady. Onyń ekeýi, ıaǵnı, 110 páter kóp balaly otbasylaryna, jetim balalar men ózge de sanattaǵy áleýmettik az qamtylǵan top ókilderine beriledi. Jalpy, óńirde turǵyndardyń barlyq sanatyn sapaly ári qoljetimdi baspanamen qamtamasyz etý maqsatynda 443 myń sharshy metr turǵyn úı salynady. 19 úı qoldanysqa berildi» dedi aımaq basshysy.
«О́z úıi – óleń tósegine» qol jetkizgen jandardyń biri Sandýǵash Qasenova 8 jasynan 18 jasqa deıin Balalar úıinde tárbıelense, sońǵy jyldary Analar úıin panalapty. «Taǵdyrdyń basqa salǵanyna biz kináli emes shyǵarmyz?! Shynymdy aıtsam, 24 jasymda baspanaly bolamyn dep oılamappyn. «Úmit» balalar úıine, Analar úıine rahmet. Barshańyzǵa alǵys bildiremin» dep kózine jas aldy.
Oblys ákiminiń baspasóz qyzmeti taratqan málimetke súıensek, óńirde kóp balaly jáne az qamtylǵan otbasylardy qoldaý maqsatynda keshendi baǵdarlama iske asyrylýda. Aǵymdaǵy jyly kóp balaly otbasylar sanatynan kezekte turǵan 388 otbasy jeke turǵyn úımen qamtamasyz etilipti.
О́SKEMEN
Sýretterdi túsirgen Tileýbek ShAIаHMET
