«Halyq ekspedısııasy» Jetisýdan bastaý alady

Saltanatty jıynǵa Qazaq­stan Respýblıkasynyń Mem­lekettik hatshysy Qyrymbek Kósherbaev, Qazaqstan halqy Assambleıasy Tóraǵasynyń orynbasary – Hatshylyq meń­gerýshisi Janseıit Túımebaev, Parlament depýtattary, áleý­mettik baǵyttaǵy ortalyq mem­lekettik organdardyń bas­shy­lary, QHA músheleri, óńir­lik delegasııa quramyndaǵy mesenattar, demeýshiler, qaıy­rymdylyq uıymdary men qor­lar, etnomádenı birlestikter men úkimettik emes uıymdardyń ókilderi, QHA qaıyrymdylyq jobalaryna qatysýshylar jáne BAQ ókilderi qatysty.

– Biz búgin jyl saıyn Qazaqstan Respýblıkasynyń Tuńǵysh Prezıdenti kúni qar­sa­ńynda dástúrli túrde ót­kiziletin, jurtshylyqty izgilikke ju­myldyratyn «Qaıy­­rymdylyq kerýeni» forýmyna jınalyp otyrmyz. Qaıyrymdylyqqa úndeıtin taǵylymdy iz hal­qymyzdyń kóneden jetken sarqyt, sybaǵa, asar, shashý­men sabaqtasa júrýi jaqsy bas­tamanyń nyshany dep bilemin, – dedi Qyrymbek Kósherbaev.

Aıta keteıik, forým aıasynda «Tuńǵysh Prezıdent jolymen» halyq ekspedısııasy» atty tyń joba bastaý aldy. Atalǵan joba QHA-nyń 25 jyldyǵyna jáne Táýelsiz Qazaqstannyń qurylýynda Elbasynyń eren eńbegin aıshyqtaýǵa negizdelip otyr. Jobany júzege asyrý 2020 jylǵa josparlana otyryp, Qazaqstannyń barlyq óńirleri men Elbasy taban tı­gizgen shet memleketterdi qam­tıdy. Kúndelik pen Týy ekspedısııanyń sımvoly bolyp sanalady.

– Búgin, Tuńǵysh Prezıdent kúni qarsańynda jáne Qazaqstan halqy Assambleıasynyń 25 jyldyǵyna oraı biz Assam­bleıanyń kelesi jyly ótkiziletin eń mańyzdy jobasyn bastaımyz. Bul – «Tuńǵysh Prezıdent jolymen» halyq ekspedısııasy» jobasy. «Halyq ekspedısııasy» dep atalýynyń sebebi, onyń basty arqaýy Elbasy men halyq bolady. Táýelsiz Qazaqstannyń negizin qalaýshy, Tuńǵysh Prezıdent Nursultan Nazarbaev elimizdiń árbir azamatynyń ómirinde mańyzdy ról atqarady. Sondyqtan bul joba Assambleıanyń 25 jyldyǵy sheńberinde Tuń­ǵysh Prezıdent – Elbasy Nursultan Nazarbaevtyń tá­ýelsiz Qazaqstandy qurýdaǵy eren eńbegin qoǵamdyq sanada bekitýge baǵyttalǵan, – dedi Janseıit Túımebaev.

Joǵaryda atalǵan ekspe­dısııanyń Týy men Kún­deligi Almaty oblysynyń ákimi Aman­­dyq Batalovqa tabystaldy. Ekspedısııa jumysy osy aımaqtan bastaý alady.