Saltanatty keshte óner ortalyǵy tikeleı Elbasynyń qoldaýymen boı kótergeni aıtylyp, án men jyrdan shashý shashyldy. Esimderi elge tanylǵan jas ónerpazdar folklorlyq-etnografııalyq ansambldiń súıemeldeýimen, syrnaımen jyr oryndap, qazaqtyń halyq ánderin qobyz únine qosyla shyrqady.
Kesh barysynda «Alataý» dástúrli óner teatrynyń shyǵarmashylyq ujymy Elbasy jaıly shaǵyn spektakldi sahnalady. Teatr basshylyǵy Tuńǵysh Prezıdenttiń rólin somdaý akterlerge úlken jaýapkershilik júktegenin aıtady.
«Jalpy spektakldiń qurylymy Elbasynyń jas kezi, odan keıin Temirtaý oqıǵasyn qamtıdy. Jáne Joǵary keńes tóraǵasymen kezdesý sahnalaryn uıymdastyryp, konserttik dúnıe jasadyq. Elbasynyń bolashaqqa joldaǵan joldamalaryn árbir akter túsinip, júregimen sezine bilýi kerek. Eń kóp ýaqyt alǵan sol sahnalar boldy», – deıdi «Alataý» dástúrli óner teatrynyń rejısseri Jandos Tóleýbek.
ALMATY
