Danıll men onyń dostary ázirlegen joba jaqynda ótken «WRO-2019» búkilálemdik robottar olımpıa oıyndarynda úzdikter qatarynan kórinip, úshinshi orynǵa ıe bolǵan.
- Jasandy ıntelekttiń jobasyn jasaǵan Danıll, ıaǵnı ol robottyń «ıdeıalyq ákesi». Tek, mundaı mindetti múltiksiz atqarý jalǵyz adamnyń qolynan kelmeıdi. Sondyqtan Danıllǵa Almaty qalasyndaǵy Nazarbaev zııatkerlik mektebiniń oqýshysy Lıýbov Dýdchenko men bizdiń NEXTROBOT balalar ortalyǵynyń oqýshysy Elına Pak kómekke keldi. Aqyldy oqýshylardyń tize qosýynan «Ziggurat» esimdi robbot ómirge keldi, - deıdi Almaty oblysynyń robot qurastyrýshylar qurama komandasynyń jattyqtyrýshysy Nıkolaı Avdıýnın.
Oqýshylardyń túr-túsin tanyp, álipbı men sanaýdy úıretetin «Ziggurat» WRO-2019» búkilálemdik robottar oıyndarynda 73 eldiń jastary usynǵan jasandy ıntelektiń arasynan ozyq shyqty. Qazir zııaly robot Taldyqorǵan qalasyndaǵy Nazarbaev zııatkerlik mektebiniń bastaýysh synyptaryna tájirıbe sabaqtaryn ótkizýge kiristi.
