Foto: Ashyq derekkóz
Alaıaqtar «sıfrlyq teńge memlekettik ınvestısııalyq jobasy» degen ataýmen túrli habarlamalar taratyp, qysqa merzimde joǵary tabys pen memleket atynan qoldaý bar ekenin ýáde etedi. Mundaı aqparattar arqyly olar azamattardy fıshıngtik saıttarǵa baǵyttaıdy. Sondaı-aq «shekteýli usynys» nemese «sońǵy múmkindik» degen syltaýmen adamdardy asyǵys sheshim qabyldaýǵa ıtermeleıdi.
Jalǵan platformalarda arnaıy jeke kabınet jasalyp, onda «ósip kele jatqan paıda» kórsetilip, paıdalanýshylardy qaıta-qaıta aqsha salýǵa kóndiredi. Osylaısha, qaskóıler azamattardyń qarajatyna qol jetkizedi.
Ulttyq bank naqtylap ótkendeı, sıfrlyq teńge – ulttyq valıýtanyń sıfrlyq túri jáne zańdy tólem quraly ǵana. Ol ınvestısııalyq quralǵa jatpaıdy jáne paıda tabý úshin paıdalanylmaıdy.
Osyǵan baılanysty retteýshi organ azamattardy ınternettegi kúmándi siltemelerge ótpeýge, belgisiz nómirlerden kelgen qońyraýlarǵa senbeýge shaqyrady. Sonymen qatar tek resmı derekkózderge súıenip aqparatty tekserý qajet, al qashyqtan basqarý baǵdarlamalaryn ornatýdan bas tartý usynylady.
Mamandar sondaı-aq derbes derekterdi, SMS-kodtardy jáne bank kartasynyń málimetterin eshkimge bermeý kerektigin eskertedi. Úshinshi tulǵalarǵa aqsha aýdarýǵa da qatań tyıym salynady.
Ulttyq bank: Bıznes rýbl men dollardyń aýytqýyna táýeldilikti tómendetedi
Ulttyq bank ókilderi eshqashan aýdıo nemese vıdeoqońyraý shalmaıtynyn, jeke shottarǵa qyzmet kórsetpeıtinin jáne ınvestısııalyq ónimderge aqsha salýdy usynbaıtynyn naqtylady. Sondaı-aq qarjy quraldaryn saqtandyrý nemese halyqpen tikeleı aqshalaı operasııa júrgizý quzyretine kirmeıdi.
Alaıaqtyqqa tap bolǵan jaǵdaıda azamattarǵa quqyq qorǵaý organdaryna júginý usynylady. Qosymsha keńes alý úshin Ulttyq banktiń baılanys ortalyǵyna 1477 qysqa nómiri arqyly habarlasýǵa bolady.
Ulttyq bank 10 myń teńgelik eski banknottardy paıdalaný merzimin uzartty
