Sessııanyń basynda oblystyq QHA tóraǵasynyń qoǵamdyq orynbasarlary saılandy. Delegattardyń biraýyzdan maquldaýymen bul ókilettikterge qoǵamdyq kelisim keńesiniń tóraǵasy, oblystyq máslıhattyń depýtaty Bekzat Altynbekov pen «Vaınah» cheshen-ıngýsh ulttyq-mádenı ortalyǵynyń tóraǵasy Ývaıs Djanaev ıe boldy.
Alqaly jıyn jumysyna qatysqan oblys ákimi Jeńis Qasymbek Elbasynyń qazaqstandyq tabystyń úsh kiltin anyqtaǵanyn eske saldy.
– Onyń birinshisi – dedi óńir basshysy, – ulty men dinı senimi ártúrli qazaqstandyqtarǵa qajet birlik. Ekinshisi – bizderge jáne árqaısymyzǵa tán tózimdilik. Úshinshisi – tarıhı taǵdyrdyń ortaqtyǵy jáne ortaq bolashaq.
Sonymen qatar, Jeńis Qasymbek taıaýda Nur-Sultan qalasynda marapattalǵan qaraǵandylyq mesenattardyń eńbegin erekshe atap ótti. Eske salsaq, QHA músheleri, kásipkerler Ivan Georgıadı, Shamıl Osın jáne «Namýs» ázerbaıjan ulttyq-mádenı ortalyǵynyń jetekshisi Gýlaga Vekıl-ogly Rzaev qaıyrymdylyqpen belsendi túrde aınalysqandary úshin arnaıy júldelerge ıe bolǵan-tuǵyn.
Atalǵan sessııada sóz alǵan Lıtvadan kelgen qonaq, Vılnıýs ýnıversıtetiniń professory, sáýletshi Algıs Vıshnıýnas óziniń otanynda Elbasynyń tarıhı jadyny saqtaýǵa jáne elder arasyndaǵy dostyqty nyǵaıtýǵa qosqan úlesiniń erekshe baǵalanatynyn aıtty. «Bqǵan dálel – Nursultan Nazarbaevtyń Lıtva uly knıazi Gedımınas ordenimen marapattalýy», dedi qurmetti qonaq.
Sonymen qatar, alqaly jıynda oblystyq etnomádenı birlestikterdiń jetekshileri sóz sóılep, Elbasy saıasatynyń danalyǵy men eldegi beıbitshilik pen kelisimdi nyǵaıtýǵa yqpal etetin mańyzdy sheshimder týraly baıandady. Sondaı-aq, Arys qalasyna jarylystan zardap shekkenderge óz erkimen baryp kómek kórsetken qaraǵandylyq Evgenıı Hısmetov azamattardy eriktiler qataryna kirýge shaqyrdy. Shet aýdanynyń jastar belsendisi Evgenıı Iаnke «Rýhanı jańǵyrý» baǵdarlamasy ıdeıalarynyń qundylyǵy jaıynda taza qazaq tilinde paıymdy pikir aıtty.
Qazaqstan halqy oblystyq Assambleıasynyń HHII sessııasynyń sońynda oblys ákimi Jeńis Qasymbek etnomádenı birlestikterdiń basshylaryna syı-sııapat kórsetti.
