Polısııa vedomstvosynyń basshysy polısııa polkovnıgi Marat Tólebaev qonaqtar men jeke quramdy meırammen quttyqtap, memlekettik merekeniń tarıhı mańyzdylyǵyna toqtaldy. «Elbasy biz úshin óz eline, Otanyna qyzmet etýdiń jarqyn úlgisi bolatyn álemdik deńgeıdegi kemeńger saıasatker. Tatýlyǵymyz, bereke-birligimizdiń, turaqtylyǵymyzdyń kepili bolǵan Tuńǵysh Prezıdentimizdiń eńbek joly - qazaqstandyqtarǵa úlgi jáne taǵylym mektebi. Bizdiń basty mindetimiz - beıbit ómir men azamattardyń tynyshtyǵyn saqtaý», - dedi Polısııa departamentiniń bastyǵy.
Qyzmettik mindetterin atqarýda joǵary kásibıligimen erekshelengen qyzmetkerlerdi marapattaý rásimi jınalysqa qatysqandardyń merekelik kóńil-kúıin odan ári arttyra tústi. Jyldam qımyldaıtyn arnaıy jasaqtyń komandıri Erik Quljanovqa «polısııa podpolkovnıgi» ataǵy merziminen buryn berildi. Ol 50-den astam ofıser qyzmet atqaratyn erekshe bóliniske basshylyq etedi. 17 jyldyq qyzmet barysynda sambodan sport sheberi, qazaq kúresinen sport sheberligine kandıdat dárejesine jetken Erik Quljanov ózin bilikti, aldyna qoıǵan mindetterdi buljytpaı oryndaıtyn qyzmetker retinde kórsetti. «Búgingi merekeniń el tarıhynda erekshe orny bar. Bul táýelsiz el ıdeologııasynyń basymdyqtaryn, kóregen tulǵanyń qasıetin aıtatyn kún. Tuńǵysh Prezıdentimizdiń qol jetkizgen jetistikteri aldyndaǵy jaýapkershilikti sezine otyryp, ózimiz úshin jáne barlyq jeke quram úshin mindetimizdi aıqyndaımyz. Ataqty «merziminen buryn» alýymdy – barlyq jeke quramnyń qol jetkizgen tabysy dep bilemin», - dedi marapattalýshy.
Tuńǵysh Prezıdent kúnin merekeleýge oraı barlyǵy 80-nen astam soltústikqazaqstandyq polıseı marapattaldy. Eki qyzmetkerge oblys ákimi Qumar Aqsaqalovtyń alǵys haty tabys etilip, 12 qyzmetkeri Ishki ister mınıstri Erlan Turǵymbaevtyń buıryǵymen marapattaldy.
Mereke vedomstvonyń shyǵarmashylyq ujymy daıyndaǵan konsertke ulasty.
