Qazaqstannyń Armenııadaǵy Elshiliginiń málimetteri boıynsha atalǵan jınaqqa 16-21 ǵasyrlar aralyǵyndaǵy qazaqstandyq jazýshylar men aqyndardyń túrli janrlaryndaǵy ádebı shyǵarmalar kirdi. Munda ádebıettaný jáne ǵylymı maqalalar bar.
Armıan tiline aýdarý men qurystyrýshy retinde M.Abogıan atyndaǵy Ádebıet ınstıtýty men Erevan memlekettik ýnıversıteti boldy. Kórkem aýdarmasy men basylymdy daıyndaýǵa tájirıbeli armıan mamandary at salysty.
Eki memlekettiń búgingi tarıhynda tuńǵysh ret uly qazaq klassıkteri men ádebıet sheberleri Ovannes Týmanıan men Hachatýr Abovıannyń tilinde - Abaı Qunanbaev, Shákárim, Maǵjan Jumabaev, Ilııas Jansúgirov, Jambyl Jabaev, Muqaǵalı Maqataev, Taıyr Jarokov jáne basqada uly perzentteri sóılep ketti. Alaıda, bul qazaq ádebıetiniń kórnekti shyǵarmashylardyń tolyq tizimi emes. Jalpy, bul jınaqqa 100-den astam shyǵarma endi.
Qazaqstannyń Armenııadaǵy Elshisi T. Orazaev óziniń sózinde, atalǵan joba 2017 jylǵy sáýirde Qazaqstannyń Tuńǵysh Prezıdenti Nursultan Nazarbaevtyń bastamasymen iske asyrylyp kele jatqan «Rýhanı janǵyrý» atty memlekettik baǵdarlamasy arqasynda oryndalǵanyn atap ketti. Onyń negizgi maqsaty qazirgi álemde ulttyń básekege qabilettiligi men mádenı jáne zııatkerlik áleýetimen anyqtalatyndyǵynda jatyr. Osy turǵyda elshi Máskeý memlekettik ýnıversıteti jaryqqa shyǵarǵan eki tomdyq Antologııa jınaǵyna nazar aýdardy. Sol jınaqta atalǵan shara aıasynda armıan qaýymyna usynyldy.
Bilim, ǵylym, mádenıet jáne sport mınıstriniń orynbasary A.Hzmalıan óziniń quttyqtaý sózinde álemdik óner úderisiniń biriktirý sheńberinde aıqyn kórinip turǵan qazaq ádebıeti ulttyq biregeılikti qalyptastyrý, mádenıetaralyq únqatysýdy damytý jáne álemdik sahnada qazaq eliniń rýhanı oń kelbetin nyǵaıtý úshin strategııalyq turǵydan turaqty ekendigin atap ótti. Buǵan sebep – Elshiliktiń qoldaýymen jaryq kórgen Antologııa.
Arnaıy osy sharaǵa Qazaqstannan kelgen qonaq, Jazýshylar Odaǵy tóraǵasynyń orynbasary B.Jaqyp óz sózinde qazaq jazýshysy nemese aqynynyń óleńderi nemese shyǵarmalary ártúrli tilderge aýdarylǵan kezde ǵana suranysqa ıe bolady dep málimdedi. «Búgingi Antologııa - armıan-qazaq mádenı-gýmanıtarlyq yntymaqtastyǵyn odan ári nyǵaıtýǵa qosylǵan baǵasyz úles»-dedi elimizdiń jazýshysy.
Basylymnyń bas qurastyrýshysy, Ádebıet ınstıtýtynyń dırektory V.Devrıkıan óz sózinde eki el halyqtarynyń shyǵarmashylyq áleýetin damytý jolynda mańyzdy oryn alatyn Qazaqstan men Armenııa arasyndaǵy ádebı suhbattasýdy jandandyrý máselesine toqtaldy.
Jaqyn kúnderi Erevannyń ataqty «Bzez» baspasynan 300 taralymmen shyqqan jınaq Armenııanyń 2 mıllıon adam qamtıtyn jetekshi kitaphanalary men joǵary oqý oryndaryna, sondaı-aq qazaqstandyq ýnıversıtetter, uıymdar men qorlaryna jetkiziledi.
ALMATY
