Sondaı jańa ǵımarattyń biri Kegen aýdanynyń ortalyǵynda ashylǵan bolatyn. Aýdandyq ortalyq aýrýhananyń janynan salynyp, paıdalanýǵa berilgen emhana qazir óńir turǵyndaryna qyzmet kórsetýde. Jańa zamanǵy talappen salynǵan ǵımarat dárigerlerdiń jumys isteýine qolaıly. Kúnine 250 adamdy qabyldaýǵa laıyqtalǵan emhana talapqa saı qurylǵylarmen jabdyqtalǵan.
– Kegen aýdany boıynsha aýdandyq aýrýhana, 2 aýyldyq aýrýhana, 9 dárigerlik ambýlatorııa, 5 feldsherlik pýnkt, 11 medısınalyq bólimshe turǵyndardyń densaýlyǵyna jaýapty. Aýdanda oǵary bilimdi 59 dáriger, orta býyndy 262 medısına qyzmetkeri bar. Ortalyqtan jańa emhananyń ashylýy qyzmet kórsetý sapasyn jańa bıikke kóterdi. Bir mezette 250 naýqasty qabyldaı alamyz. Maman dárigerlerge de qolaıly jaǵdaı jasaldy,- deıdi Kegen aýdandyq aýrýhanasy bas dárigeriniń emdeý isi jónindegi orynbasary Gúlmıra Muqanova.
Almaty oblysy
