Jolaýshylardyń kıimderi juqa, ózderine kómek kelmese olar qıyn jaǵdaıda ushyrap qalýy kádik edi. Alaıda tańerteń ertemen mal qaraýǵa shyqqan jergilikti turǵyndardyń biri aýdandyq polısııa bólinisiniń kezekshi bólimine habar beredi. Kómekke bólim bastyǵy, polısııa podpolkovnıgi Marat Áljanov, ýchaskelik polısııa ınspektorlary men patrýldik polısııa batalonynyń qyzmetkerleri «KamAZ» avtokóligin taýyp baryp, avtobýsty tirkememen shekaralyq baqylaý pýnktine jetkizdi. Osy jerden ári jolaýshylar Omby qalasynan kelgen kólikke minip, úılerine aman-esen jetti. Kóliktiń isten shyqqan sý nasosyn aýystyrý úshin polıseıler jyly boksqa súırep aparyp, jóndelýin qadaǵalaǵan.
Osy taqylettes taǵy bir oqıǵa Taıynsha aýdanynda boldy. Osy aýdannyń Vınogradovka aýylynyń mańynda «MAN» markaly avtomashınanyń janar-jaǵar maı júıesiniń isten shyǵýyna baılanysty Túrkııa azamattary jolda turyp qalady. Mıronovskoe aýyldyq okrýginiń ýchaskelik polısııa ınspektory, polısııa kapıtany Talǵat Beısenbaev jolda qalyp, qatty tońǵan júrgizýshilerdi óziniń úıine alyp barady. Ákimshilik polısııa bóliminiń ınspektory Azamat Oralov bolsa avtobýsty súıreıtin tehnıka taýyp, ony aýdan ortalyǵyna jetkizgen. Munda aýdandaǵy Dmıtrıı Belesskıı bastaǵan sheberler avtobýstyń aqaýyn jóndep berdi. Sóıtip, túrik júrgizýshileri qıyn jaǵdaıdan qutqaryldy.
Soltústik Qazaqstan oblysy
